Енді жартылай финалда 18 елден барлығы 52 боксшы күш сынасады. Дәлірек айтқанда, Өзбекстаннан 9, Куба мен Ресейден 6 боксшыдан, Қазақстаннан 5, Грузия, Франция, Испания мен Үндістаннан 3 спортшыдан, Армения, Моңғолия, Бразилия, Әзербайжаннан 2 спортшыдан, Иордания, Қырғызстан, Қытай, Мексика, Италия, Тәжікстаннан 1 спортшыдан бақ сынайды.
Айта кетейік, жартылай финалдағы кездесулер 12 мамырда өтеді.
Бұған дейін Қазақстан құрамасының бес өкілі 2023 жылғы әлем чемпионатының финалдық сынына жолдама алғанын хабарлаған едік.
Өкінішке қарай, бұл жарыстан сегіз боксшымыз шығып қалды, олар: Сәкен Бибосынов (51 келіге дейін), Серік Теміржанов (57 келіге дейін), Талғат Сырымбетов (60 келіге дейін), Санатәлі Төлтаев (63,5 келіге дейін), Нұрқанат Райыс (75 келіге дейін), Сағындық Тоғамбай (86 келіге дейін), Айбек Оралбай (92 келіге дейін) және Қамшыбек Қоңқабаев (+92 келі).
Айта кетейік, чемпионаттың финалы 13 мамырда өтеді.
