2023 жылдың жазына арналған болжамға сәйкес, республиканың басым бөлігінде температуралық фон нормадан жоғары, тек солтүстік облыстарда климаттық норма шегінде болады деп болжанды.
«Қазақстанның солтүстік-батыс және солтүстік-шығыс жартысында фронтальды бөліктердің өтуімен және солтүстік теңіздер аймақтарынан суықтың бөліктерінің келуімен ауа температурасы күндіз +30+38°С-тан +15+20°С-қа дейін құбылады. Сонымен қатар республиканың оңтүстік-батыс жартысында кей күндері термометрлер +40+45°C-қа дейін жетеді», делінген «Қазгидромет» РМК хабарламасында.
Маусым айында республиканың басым бөлігі ыстық болады, ауаның орташа айлық температурасы республиканың басым бөлігінде нормадан 1-2° жоғары, республиканың солтүстігінде, солтүстік-шығысында, шығысында, оңтүстік-шығысында нормаға (норма: Қазақстанның басым бөлігінде +18+23°С, республиканың оңтүстік-батыс жартысында +24+28°С, республиканың оңтүстік-шығысындағы және шығысындағы таулы аймақтарда +7+17°С) жақын болады.
Шілде айында еліміздің басым бөлігінде ауаның орташа айлық температурасы нормаға жақын, республиканың оңтүстік облыстарында нормадан 1° жоғары (қалыпты: облыстың басым бөлігінде +18+24°С) болады.
Жаздың соңғы айы тамызда республиканың басым бөлігінде ыстық ауа райы сақталады. Ауа температурасы нормадан 1-2° жоғары, республиканың солтүстік-батыс жартысында ғана нормаға (норма: Қазақстан Республикасының басым бөлігінде +20+28°С, республиканың солтүстік-шығыс жартысында +16+ 19°С, шығыс пен оңтүстік-шығыстың таулы аймақтарында +11+15°С. республика) жақын келеді.
Синоптиктердің болжауынша, жазда Қазақстанның басым бөлігінде жауын-шашын аз болады.
