Халықаралық Балаларды қорғау күнін мерекелеу аясында Астанада «Балалардың игілігі үшін» республикалық акциясы өтеді.
«Халықаралық балаларды қорғау күнін мерекелеудің бірегей ерекшелігі елорданың бүлдіршіндері – балабақша тәрбиеленушілері арасында «Көңілді заряд» әуе шарлары бар бір сәттік флешмоб болмақ. Жас футболшылар марафоны мен Астана қаласының футбол командаларының ойыншыларымен матчтар бір уақытта білім беру ұйымдарының спорт алаңдарында басталады. Street WORKOUT белсенді спорт түрлері бойынша мастер-класстар қалалық алаңдарында жасөспірімдер үшін өтеді», деді Серік Әділбаев.
Алдағы мерекеге орай «Арбат» жаяу жүргіншілер аллеясында қосымша білім беру ұйымдарының белсенді қатысуымен мерекеге орай «Балалық шақ энергиясы» жас шеберлерінің нағыз қаласы ашылды.
Балалар демалысы жәрмеңкесінде «Алақай! Демалыс» қала тұрғындары мен қонақтары елордалық және елдегі демалыс лагерлерін таңдай алады.
Елорданың 100-ден астам жас суретшісі «Балалық шақтың жазы» іс-шарасына қатысады. «БОРФЕСТ» асфальт вернисажы да осы күні Есіл өзенінің жағасында ұйымдастырылады.
«SUPER кросс» технодромында елорда тұрғындары мен қонақтары радио және робототехника, судо және авиамодельдеу бойынша жобалармен танысады. Музыкалық мектептердің, өнер мектептерінің және Оқушылар сарайларының шығармашылық ұжымдарының қатысуымен ауқымды және әсем концерттік бағдарлама құрылды. Бағдарламада қолданбалы өнер бойынша мастер-класстар, сабын көпіршіктері шоуы болады. Алғаш рет балалар өз суреттерін бір форматқа біріктіріп, мега-панно жасайды. Мереке ересектер мен балаларға арналған супердискотекамен аяқталады, онда балалық шақтың мультфильм әндері, қазіргі күндердің хиттері шырқалады.
«Театр өнерінің түрлеріне балалардың қызығушылығын дамыту мақсатында халықтың әлеуметтік осал топтарындағы балалардың Қуыршақ театрына баруы жоспарланып отыр. Сонымен қатар, 1 маусымда «Қауіпсіз аттракцион» акциясын өткізу жоспарлануда, онда балалар түскі асқа дейін, түскі астан кейін 50% жеңілдікпен балалар аттракциондарына тегін бара алады. Барлық өткізілетін іс-шаралар әлеуметтік желілерде жарияланады», деп түйіндеді спикер.
