Оған қатысушылар Кеден одағына дән риза
Алматыдағы «Атакент» көрме аумағында «Атакент-Экспо» халықаралық көрме компаниясы мен Қазақстан Республикасының Жиһаз және ағаш өңдеу өнеркәсібі кәсіпорындары қауымдастығының ұйымдастыруымен «Жиһаз және интерьер», «Сәулет және дизайн», «Орман және ағаш өңдеу өнеркәсібі» атты халықаралық көрме өтті. Көрмеге Ресей, Австрия, Германия, Италия мен Қытай, Түркия сияқты 16 таяу және алыс шетелдерден келген компаниялар, 40-қа жуық алматылық кәсіпорындар өз өнімдерін қойды. Шамамен 130-дан астам кәсіпорын қатысқан көрме қазақстандық компанияларға жаңа байланыстар орнатуға және байланыстарды нығайтуға, сондай-ақ, инвестиция тартуға мүмкіндік бере отырып, отандық жиһаз өндірушілердің ішкі және сыртқы нарықтағы орнын арттыруға, іскерлік ынтымақтастық көкжиегінің кеңеюіне ықпал етпек.
– Алматы экономикасының маңызды салаларының бірі – өңдеу өнеркәсібі, соның ішінде жиһаз бен ағаш өңдеу өнеркәсібі. Бұл саланы дамыту өнім сапасын жақсартуға, жаңа жұмыс орындарының ашылуына, сонымен қатар мегаполис пен жалпы Қазақстанның экономикалық өсу қарқынына ықпал ететін болады, – деді көрмені ашқан қала әкімі Ахметжан Есімов.
«Жиһаз және интерьер» көрмесінің басты мақсаты – озық технологиялар мен жиһаз өнеркәсібіндегі жетістіктерді көрсету. Көрме барысында әртүрлі модификациядағы жиһаз бен бағыттарды, матрастар мен жатын бөлме жарақтарын, алуан түрлі қаптау материалдарын, фурнитура және интерьердің сән элементтерін таңдау мүмкіншілігі ұсынылды. Оған алыс және жақын шетелдердің жетекші компаниялары қатысты. Атап айтар болсақ, «Олмеко», «Таволи-Трейд», «Свобода», «Қызыл октябрь», (Ресей), «Emdawood» (Әзербайжан), «Бобрейскмебель», «Гомельдрев», «Прогресс» Гомель жиһаз фабрикасы, «Пискдрев» холдингі (Беларусь), қазақстандық «Алматы-жиһаз», «Амина», «Айдар», «Пакс металл Қазақстан», «Arida», «Askona», «Grand», «Kinza» ЖШС, т.б.
«Сәулет және дизайн» көрмесіне Польша, Беларусь, Қырғызстан, сондай-ақ, Қазақстанның танымал дизайнерлері, сәулетшілері, декораторлары мен суретшілерін біріктіретін ұйым «Desiqn Ideas Club» Қазақстан Дизайнерлерінің клубы сияқты компаниялар қатысты.
«Орман және ағаш өңдеу өнеркәсібі» көрмесіне ағаш өңдеу өнеркәсібіндегі озық технологияларды меңгерген Италия, Қырғызстан, Беларусь, Германия, Тайваньнан жетекші компаниялар келген. Олардың ішінде алғаш рет Саравак штатының Индустриялық даму министрінің басшылығымен (Малайзия) ағаш өңдеу өнеркәсібі қауымдастығы көрме шеңберінде Қазақстан мен Малайзияның ағаш өңдеу өнеркәсібі өкілдері ынтымақтастығының іскерлік мәселелерін талқылады.
– 2011 жылы Қазақстан-Ресей-Беларусь Кеден одағының құрылуы көптеген кедергілерді жойды, – деді бізбен әңгімесінде Минскіден келген «Прогресс» ААҚ жиһаз фабрикасы бас директорының орынбасары Андрей Пескун. – Соның нәтижесінде Қазақстан нарығына Беларусь тауарларын жеткізу күрт ұлғайды. Осы үш жыл көлемінде тауар айналымы үш-төрт есеге артты. Бүгінгі күнге фабрика Қазақстанның 14 қаласына өз өнімдерін сатады.
Білуімізше, Беларусь тауарлары Қазақстанда үлкен сұранысқа ие. Бізде жеткізу жағынан еш кедергі жоқ, тұтынушылар риза. Өйткені, үш мемлекет арасындағы ынтымақтастық сауда-саттық жасауда жұмысымызды жеңілдетті. Өйткені, кеденнен тауар өткізу, құжаттарды рәсімдеуде кедергілер болып, көп уақыт жоғалтатынбыз. Сондай-ақ, бұрындары ҚҚС (НДС) тауарды алғанда төленсе, қазір тауар келгеннен кейін тоқсан күн ішінде төлеуіңізге болады. Кедендік баж салығын да алып тастады. Біздер тауарларымызды ҚҚС-сіз жібереміз, сатып алушы қазақстандық кәсіпкерлер ҚҚС-ты ғана төлейді.
Пескун мырзаның айтуынша, Белоруссиядағы жиһаз шығаратын жетекші кәсіпорынның бірінен саналатын фабрика 1963 жылдан жұмыс істеп келеді. Бүгінде Ресей, Қазақстан, Тәжікстан мемлекеттерімен тығыз сауда-саттық байланыста. Қазақстан экспорт көлемінің 40 пайызын пайдаланатын тұрақты серіктесі. Соның негізінде жыл сайын тауар айналымы арта түсуде. Қазіргі таңда тек диванның 40 түрін, ал бір айда 4 мың бірлік жиһаз жасап шығарады екен. Беларусь жиһазының бренді Кеңес одағынан белгілі. Былтырғы өткен көрмеде алты әріптес тапқан. Сондықтан мұндай көрмелер тұтынушылар үшін де, өнім өндірушілер үшін де өте қажет шара.
– Бізге неге Беларусь жиһазы ұнайды? – деді өзін Ләззат Арыстанова деп таныстырған Беларусь жиһаздарын сататын «Э-Lira LTD GOLD» ЖШС-нің менеджері. – Өйткені, олар бірінші орынға сапаны қойып, құрал-жабдықтарды жаңартқанымен, бұрынғы Кеңес одағы кезіндегі технологияларды сақтап қалған. Украинаға, Ресейге қарағанда бұлардың өнімінің сапасы өте жоғары. Өйткені, оларда әлі күнге Техникалық бақылау бөлімі (ОТК) жұмыс істейді. Бұл жүйе Украина, Ресейде сақталмаған. Осыдан бес-алты жыл бұрын тұтынушылар жиһаздың сұлулығына қызығатын болса, қазір сапасына қатты көңіл бөледі. Біздер бұрын Қытай, Павлодар, Қырғызстанның жиһаздарын сатқанбыз. Шыны керек, үш-төрт жылдан кейін қайтадан сол клиент келіп, сапасының төмен екенін айтып, сенімсіздік білдіретін. Сондықтан нарықта тұрақты қалу үшін өз өнімінің сапасына жауап беретін зауыт, фабрикалармен жұмыс істеуді ұйғардық. Мәселен, «Прогресс» фабрикасы он жылға дейін өз тауарына кепілдік береді. Оның үстіне олардың өнімі әлеуметтік жағынан орта деңгейдегі сатып алушыларға арналған. Тұтынушыларға ұнайды. Айына бір жарым вагон, яғни шамамен 50-60 бірлік, яғни 5-6 млн. теңгенің тауарын сатамыз. Осыдан үш жыл бұрын «Э-Lira LTD GOLD» ЖШС-нің бас директоры Бағдат Бекетқызы Жиренбаева Мәскеуде өткен халықаралық көрмеде «Прогресстің» өнімдерін көріп, ұнатып, келісімшартқа отырған еді. Содан бері осы жиһаздарды сатумен айналысамыз. Жаман емес.
Сонымен қатар, Ләззат құрбымыз алдымен бұдан үш жыл бұрын құрылған үш мемлекеттің Кеден одағына, жуырда қол қойылған осы үш мемлекеттің Еуразиялық экономикалық одақ туралы шартына қатысты үлкен ризашылығын білдірді. Өйткені, кедендік кедергілерден құтылған. Тіпті тауардың қайда келе жатқанын біліп отыратын көрінеді. Ол сатушыға ыңғайлы. Мысалы, бұрын осы іс-шаралар бір жарым-екі ай көлемінде рәсімделетіндіктен тауарлары таусылып, салондары босап, клиенттерін жоғалтып алатын. Қазір тауарлары Қазақстанның шекарасына кірді дегеннен екі апта аралығында тұтынушыларға тапсырыс берген жиһазының дәл қай уақытта қолдарына тиетінін айта алады.
Көрме жұмыс жасаған төрт күнде семинар, дөңгелек үстелдер өтіп, олардың шеңберінде мамандар жиһаз және ағаш өңдеу өнеркәсібінің одан әрі даму жолдары жөнінде пікір алмасып, тәжірбие бөлісіп, бизнес-байланыстарын нығайтты. Ең бастысы, Алматыда жыл сайын дәстүрге айналған көрмеге қатысушылар сенімді серіктестер мен жаңа тұтынушылар табуда.
Гүлзейнеп СӘДІРҚЫЗЫ,
«Егемен Қазақстан».
АЛМАТЫ.
– Алматы экономикасының маңызды салаларының бірі – өңдеу өнеркәсібі, соның ішінде жиһаз бен ағаш өңдеу өнеркәсібі. Бұл саланы дамыту өнім сапасын жақсартуға, жаңа жұмыс орындарының ашылуына, сонымен қатар мегаполис пен жалпы Қазақстанның экономикалық өсу қарқынына ықпал ететін болады, – деді көрмені ашқан қала әкімі Ахметжан Есімов.
«Жиһаз және интерьер» көрмесінің басты мақсаты – озық технологиялар мен жиһаз өнеркәсібіндегі жетістіктерді көрсету. Көрме барысында әртүрлі модификациядағы жиһаз бен бағыттарды, матрастар мен жатын бөлме жарақтарын, алуан түрлі қаптау материалдарын, фурнитура және интерьердің сән элементтерін таңдау мүмкіншілігі ұсынылды. Оған алыс және жақын шетелдердің жетекші компаниялары қатысты. Атап айтар болсақ, «Олмеко», «Таволи-Трейд», «Свобода», «Қызыл октябрь», (Ресей), «Emdawood» (Әзербайжан), «Бобрейскмебель», «Гомельдрев», «Прогресс» Гомель жиһаз фабрикасы, «Пискдрев» холдингі (Беларусь), қазақстандық «Алматы-жиһаз», «Амина», «Айдар», «Пакс металл Қазақстан», «Arida», «Askona», «Grand», «Kinza» ЖШС, т.б.
«Сәулет және дизайн» көрмесіне Польша, Беларусь, Қырғызстан, сондай-ақ, Қазақстанның танымал дизайнерлері, сәулетшілері, декораторлары мен суретшілерін біріктіретін ұйым «Desiqn Ideas Club» Қазақстан Дизайнерлерінің клубы сияқты компаниялар қатысты.
«Орман және ағаш өңдеу өнеркәсібі» көрмесіне ағаш өңдеу өнеркәсібіндегі озық технологияларды меңгерген Италия, Қырғызстан, Беларусь, Германия, Тайваньнан жетекші компаниялар келген. Олардың ішінде алғаш рет Саравак штатының Индустриялық даму министрінің басшылығымен (Малайзия) ағаш өңдеу өнеркәсібі қауымдастығы көрме шеңберінде Қазақстан мен Малайзияның ағаш өңдеу өнеркәсібі өкілдері ынтымақтастығының іскерлік мәселелерін талқылады.
– 2011 жылы Қазақстан-Ресей-Беларусь Кеден одағының құрылуы көптеген кедергілерді жойды, – деді бізбен әңгімесінде Минскіден келген «Прогресс» ААҚ жиһаз фабрикасы бас директорының орынбасары Андрей Пескун. – Соның нәтижесінде Қазақстан нарығына Беларусь тауарларын жеткізу күрт ұлғайды. Осы үш жыл көлемінде тауар айналымы үш-төрт есеге артты. Бүгінгі күнге фабрика Қазақстанның 14 қаласына өз өнімдерін сатады.
Білуімізше, Беларусь тауарлары Қазақстанда үлкен сұранысқа ие. Бізде жеткізу жағынан еш кедергі жоқ, тұтынушылар риза. Өйткені, үш мемлекет арасындағы ынтымақтастық сауда-саттық жасауда жұмысымызды жеңілдетті. Өйткені, кеденнен тауар өткізу, құжаттарды рәсімдеуде кедергілер болып, көп уақыт жоғалтатынбыз. Сондай-ақ, бұрындары ҚҚС (НДС) тауарды алғанда төленсе, қазір тауар келгеннен кейін тоқсан күн ішінде төлеуіңізге болады. Кедендік баж салығын да алып тастады. Біздер тауарларымызды ҚҚС-сіз жібереміз, сатып алушы қазақстандық кәсіпкерлер ҚҚС-ты ғана төлейді.
Пескун мырзаның айтуынша, Белоруссиядағы жиһаз шығаратын жетекші кәсіпорынның бірінен саналатын фабрика 1963 жылдан жұмыс істеп келеді. Бүгінде Ресей, Қазақстан, Тәжікстан мемлекеттерімен тығыз сауда-саттық байланыста. Қазақстан экспорт көлемінің 40 пайызын пайдаланатын тұрақты серіктесі. Соның негізінде жыл сайын тауар айналымы арта түсуде. Қазіргі таңда тек диванның 40 түрін, ал бір айда 4 мың бірлік жиһаз жасап шығарады екен. Беларусь жиһазының бренді Кеңес одағынан белгілі. Былтырғы өткен көрмеде алты әріптес тапқан. Сондықтан мұндай көрмелер тұтынушылар үшін де, өнім өндірушілер үшін де өте қажет шара.
– Бізге неге Беларусь жиһазы ұнайды? – деді өзін Ләззат Арыстанова деп таныстырған Беларусь жиһаздарын сататын «Э-Lira LTD GOLD» ЖШС-нің менеджері. – Өйткені, олар бірінші орынға сапаны қойып, құрал-жабдықтарды жаңартқанымен, бұрынғы Кеңес одағы кезіндегі технологияларды сақтап қалған. Украинаға, Ресейге қарағанда бұлардың өнімінің сапасы өте жоғары. Өйткені, оларда әлі күнге Техникалық бақылау бөлімі (ОТК) жұмыс істейді. Бұл жүйе Украина, Ресейде сақталмаған. Осыдан бес-алты жыл бұрын тұтынушылар жиһаздың сұлулығына қызығатын болса, қазір сапасына қатты көңіл бөледі. Біздер бұрын Қытай, Павлодар, Қырғызстанның жиһаздарын сатқанбыз. Шыны керек, үш-төрт жылдан кейін қайтадан сол клиент келіп, сапасының төмен екенін айтып, сенімсіздік білдіретін. Сондықтан нарықта тұрақты қалу үшін өз өнімінің сапасына жауап беретін зауыт, фабрикалармен жұмыс істеуді ұйғардық. Мәселен, «Прогресс» фабрикасы он жылға дейін өз тауарына кепілдік береді. Оның үстіне олардың өнімі әлеуметтік жағынан орта деңгейдегі сатып алушыларға арналған. Тұтынушыларға ұнайды. Айына бір жарым вагон, яғни шамамен 50-60 бірлік, яғни 5-6 млн. теңгенің тауарын сатамыз. Осыдан үш жыл бұрын «Э-Lira LTD GOLD» ЖШС-нің бас директоры Бағдат Бекетқызы Жиренбаева Мәскеуде өткен халықаралық көрмеде «Прогресстің» өнімдерін көріп, ұнатып, келісімшартқа отырған еді. Содан бері осы жиһаздарды сатумен айналысамыз. Жаман емес.
Сонымен қатар, Ләззат құрбымыз алдымен бұдан үш жыл бұрын құрылған үш мемлекеттің Кеден одағына, жуырда қол қойылған осы үш мемлекеттің Еуразиялық экономикалық одақ туралы шартына қатысты үлкен ризашылығын білдірді. Өйткені, кедендік кедергілерден құтылған. Тіпті тауардың қайда келе жатқанын біліп отыратын көрінеді. Ол сатушыға ыңғайлы. Мысалы, бұрын осы іс-шаралар бір жарым-екі ай көлемінде рәсімделетіндіктен тауарлары таусылып, салондары босап, клиенттерін жоғалтып алатын. Қазір тауарлары Қазақстанның шекарасына кірді дегеннен екі апта аралығында тұтынушыларға тапсырыс берген жиһазының дәл қай уақытта қолдарына тиетінін айта алады.
Көрме жұмыс жасаған төрт күнде семинар, дөңгелек үстелдер өтіп, олардың шеңберінде мамандар жиһаз және ағаш өңдеу өнеркәсібінің одан әрі даму жолдары жөнінде пікір алмасып, тәжірбие бөлісіп, бизнес-байланыстарын нығайтты. Ең бастысы, Алматыда жыл сайын дәстүрге айналған көрмеге қатысушылар сенімді серіктестер мен жаңа тұтынушылар табуда.
Гүлзейнеп СӘДІРҚЫЗЫ,
«Егемен Қазақстан».
АЛМАТЫ.
