Энергетика саласында еліміздің рөлі жоғары

Канаданың үш провинциясының, АҚШ-тың он екі штатының және Венесуэланың заң шығару­шы өкілдерін біріктіретін Энер­гетикалық кеңестің шақыруымен Қазақстан Республикасының Канададағы Төтенше және өкі­летті елшісі Константин Жигалов «Энергетика және қоршаған орта саласындағы үрдістер» деген тақырыппен  Канаданың Сас­качеван провинциясында өткен конференцияға қатысты. Энергетикалық кеңестің негіз­гі мақсаты – өзекті энергетика мәселелері бойынша алдыңғы қатарлы тәжірибелермен алмасу. Кеңес, сонымен қатар, жа­ңа зерттемелер дайындайтын және энергетикалық нарықтағы үр­дістермен айналысатын осы сектор компанияларымен, акаде­мия­лық орта және университеттермен тығыз байланыс орнатқан. Энергетикалық кеңестің төр­аға­сы, Техас штаты Қауым­дар па­­ла­тасының депутаты Уэйн Смит аш­қан іс-шараға Сас­ка­че­­ван про­винциясының Сау­да, ин­­­но­­вациялар және туризм ми­­нистрі Джереми Харрисон, Ред­­жайна қаласының басшысы Майкл Фуджер, Альберта, Сас­ка­че­ван провинциялары мен атал­ған америкалық штаттардың заң шы­­­ғарушы жиналыстарының мү­ше­­лері, бірқатар зерттеу орта­лық­­­­тары мен Солтүстік Америка ком­­­­­па­нияларының басшылары (со­­ның ішінде әлемдегі ең ірі уран өн­­­діретін «Cameco Cor­po­ra­tion» мен «Enbridge Energy», «Ex­xonMobil», «Westport» сияқ­ты мұ­н­а­й-газ компаниялары және т.б.) қа­­­тыс­ты. Саскачеван Заң шыға­ру­­­шы жи­налысының спикері Дэн Д’От­ре­мон мен провинцияның ге­­не­рал-лейтенанты Вогн Скол­фильд ханым конференцияға қа­ты­­­су­­шыларға жылы лебіздерін білдірді. К.Жигалов Қазақстанның әлеу­­­меттік және экономикалық же­тіс­тіктері, «Қазақстан-2050» Стра­­­тегиясының басымдықтары, Индустриялық-инновациялық даму мемлекеттік бағдарламасы екін­ші кезеңінің жүзеге асырыла бастауы, еліміздегі инвес­ти­ция­лық ахуалды жақсарту бойын­ша қабылданған жаңа шаралар пакеті, еліміздің мұнай және газ секторын дамытудың негізгі бағыттары, қазақстандық-канадалық ынтымақ­тастық, соның ішінде уран сала­сындағы өзара әрекеттесу, Астана­да өтетін ЭКСПО-2017 халық­ара­лық көрмесіне дайындық мәсе­лелері туралы айтып берді. Конференция шеңберінде К.Жигалов, сонымен қатар, Энер­­гетикалық кеңес атқарушы ко­митетінің мүшелерімен кез­дес­­ті. Интерактивті үнқатысу піші­нінде өткен кездесуде Канада про­винцияларының депутаттары мен Америка штаттарының сена­торлары Қазақстанның энер­гетика­лық нарықтағы рөлі өсе түсіп отырғанын атап өтіп, инвесторлар үшін жаңа преференциялар пакетін енгізу бойынша қазақстандық тараптың бастамаларын, соның ішінде ел экономикасына ең ірі инвесторлар үшін визалық режімді жеңілдету бойынша қабылданған шешімдерді жоғары бағалады. Конференция нәтижесін­де Энергетикалық кеңес пен Қазақстан арасындағы үнқаты­суды, соның ішінде Канада мен АҚШ-та өткізілетін іс-шаралар шеңберінде жалғастыру туралы уағдаластыққа қол жеткізілді. «Егемен-ақпарат».