Түлектер күні

Салтанатты жиынды­ уни­вер­ситеттің басқарма төрағасы-рек­тор Жансейіт Түймебаев ашып, түлектерге табыс тіледі. Жиында түлектерге деген ізгі тілек жол­да­ған Ғылым және жоғары білім ми­нистрі Саясат Нұрбектің құт­тық­тау хаты оқылды.

Ж.Түймебаев түлектерді университет дамуындағы маңызды жетіс­тіктермен таныстыра ке­ліп,­ «Уни­верситет дамуының бас­ты көрсеткіші – түлектер. Олар­дың ішінде мемлекет және қоғам қайраткерлері, көрнекті ғалымдар, кәсіпкер-меценаттар, тәжірибелі дипломаттар бар», деп атап өтті.

Кездесу барысында Әл-Фара­би атындағы Қазақ ұлттық уни­­верситеті директорлар кеңе­сі­нің төрағасы, университет тү­лектері қауымдастығының пре­зиденті Қайрат Мәми сөз сөй­леп, түлектер атынан оқу орда­сын жаңа жетістіктерімен құттықтады.

Бүгінде Қазақ ұлттық универ­си­теті жаңа заман талабына сай­ жаңарып келеді. Биыл қара ша­ңырақтан 8 мыңнан астам тү­лек қанат қақса, олардың 6 758-і – бакалаврды, 1 774-і – магистратураны, 442-сі докто­рантураны тәмамдап, 1 256 түлек «үздік дип­лом» иегері атанды.

Іс-шара барысында «Аса көр­некті түлек» медалін салта­нат­­­ты түрде табыстау рә­сімі өтті. Ерекше марапат заң­ ғы­­­лым­­­­­­­­да­рының докторы,­ про­фес­сор,­ Жо­ғарғы сот жанындағы Ха­лық­­ара­лық кеңестің мүшесі, заң­ фа­куль­тетінің 1967 жылғы түлегі Анатолий Диденкоға берілді.

15 факультет түлектері, оның ішінде ше­телдік студенттер де бар, Қазақ ұлт­тық университеті түлектері қауым­дас­тығы атынан шәкіртақы алды.

Салтанатты шарадан соң Тү­лектер қауымдастығы прези­диу­мы­ның отырысы өтіп, жұмыс қоры­тындысы мен жоспарлар тал­қыланды.

Түлектер күні факультеттерде­ жал­ғасын тауып, концерттік бағ­дарламаға ұласты.

АЛМАТЫ