Іс-шараны ұйымдастыруға аудан әкімдіктері ғана емес, қаланың оқу орындары да қатысты.
Астананың Менеджмент, бизнес және білім колледжі балаларға арнап шаштараз, аквагрим және портрет салу бойынша шеберлік сыныбын өткізді.
«Бүгін біз балаларға арналған шеберлік сыныптарын ұсынамыз.
Балаларға аквагрим, денелеріне сурет саламыз.
Сондай-ақ портреттер де назардан тыс қалмады.
Студенттеріміз бәрін орындайды. Сондай-ақ «шаштараз өнері» мамандығының қыздары шаш өру бойынша мастер-класс көрсетеді. Бұл біздің балаларымыздың көңіл көтеруі үшін ұйымдастырылады.
Оның үстіне қазір олар демалысқа шықты.
Олар үшін бұл өте қызықты болмақ. Ата-аналармен бірге отбасылық серуендер де бар. Іс-шараның осындай ауқымын әрдайым ұйымдастыру керек деп санаймын. Себебі бала – өмірдің мәні.
Олар үшін ересектер тарапынан бөлінетін көңіл маңызды», деді мекеменің кәсіптік бағдар беру және карьералық өсу бойынша жетекшісі Эльмира Барлыбаева.
Сондай-ақ №1 өнер мектебі саябақта концерт пен пленэр ұйымдастырды.
«№1 өнер мектебі бірнеше жерде өткізеді. Театр, көркем, вокалдық-аспаптық бөлім бар.
Кез-келген адам сурет сала алады. Олардың арасында асфальттағы суреттер байқауы болады. Бұл – халықаралық мереке. Біз балаларды шығармашылыққа қызықтыруымыз керек, оларға үлкен көңіл бөлуіміз қажет, осылайша олар бұл мерекеде өз таланттарын паш етеді. Әрі өзара бас қосып, достасып кетеді. Бұл өте жақсы мереке.
Ұйымдастырушыларға – әкімдікке, білім басқармасына алғысымыз шексіз», деді көркемсурет бөлімінің оқытушысы Дәурен Бейсенбаев.
Елордалық білім басқармасының қосымша білім беру және тәрбие жұмысы бөлімінің басшысы Гүлфара Сарамбетованың айтуынша, Астанада түрлі орындарда 50-ден астам іс-шара ұйымдастырылады.
«Бүгін таңғы сағат 10-нан бастап мектепке дейінгі ұйымдарда шарлар, сабын көпіршіктері бойынша флешмобтар басталды. Сол сияқты балалар қаланың спорт алаңдарында атақты футболшылармен бірге футбол ойнады.
Сағат 12-де біз қаланың барлық саябағында жаппай іс-шаралар өткіземіз.
Аудан әкімдіктерімен бірлесіп, осы мақсатта дайындық жүргізілді.
Мұнда қала мектептері, колледждер, мектепке дейінгі ұйымдар және қосымша білім беру ұйымдары бар.
Елордалық саябақта сабын көпіршіктері шоуы, мастер-кластар, аниматорлар мен театр ұжымдарын жұмылдыра отырып, концерттік бағдарлама әзірленді. Бізге аудан әкімдіктері тарапынан көмек көрсетілді.
Мұнда бізде картиналар көрмесі өткізіліп, кондитерлік өнімдер таратылып жатыр», деді ол.
