Руханият • 07 Маусым, 2023

Президент Яссауи кесенесіне барған ЮНЕСКО-ның Бас директорына алғыс айтты

167 рет
көрсетілді
1 мин
оқу үшін

Бүгін Мемлекет басшысы Қасым-Жомарт Тоқаев ЮНЕСКО-ның Бас директоры Одрэ Азулені қабылдады. Кездесу барысында Президент Бас директорға Қожа Ахмет Яссауи кесенесіне барғаны үшін алғыс айтты, деп хабарлайды Egemen.kz.

Президент Яссауи кесенесіне барған ЮНЕСКО-ның Бас директорына алғыс айтты

«Сіздің сапарыңыз Қазақстан мен ЮНЕСКО арасындағы өзара тиімді ынтымақтастықты одан әрі дамыту үшін аса маңызды. ЮНЕСКО біз үшін ерекше ұйым әрі басымдыққа ие. Біз осы өзара қарым-қатынасты одан әрі дамыту үшін бар күш-жігерімізді жұмсаймыз», деді Президент.

Сондай-ақ Одрэ Азуле Қасым-Жомарт Тоқаевқа «Бурабай» және «Марқакөл» қорықтары биосфералық резерваттардың жаһандық желісіне, сондай-ақ «Ортеке» музыкалық-қуыршақ өнері ЮНЕСКО-ның материалдық емес мәдени мұралар тізіміне енгенін растайтын сертификаттарды табыстады.