Аталған жарыстың тұсауы 1987 жылы кесілді. Сол аралықта жергілікті велошабандоздар ең көп олжаға кенелді. Олар 15 додада теңдессіз деп танылды. Бельгияның беткеұстарларына алты бас жүлде бұйырса, даниялықтар екі рет дараланды. Сондай-ақ Аустралия, Франция, Италия, Норвегия, Украина, АҚШ және Португалияның өкілдері бір-бір реттен топ жарды. Жекелеген спортшылар арасында ең үздік көрсеткішке бельгиялық Филипп Жильбер қол жеткізді. Ол үш жарыста алдына жан салмады. Қазақстанның өрендері арасында Андрей Кашечкин де кезінде көзге түскен. 2000 жылы жерлесіміз үшінші орынға табан тіреді.
Қызғалдақтар елінде өтіп жатан жарыста биыл «Астананың» намысын Мартин Лаас, Кейс Бол, Марк Кавендиш, Давиде Мартинелли, Глеб Сырица, Юрий Натаров және Нұрберген Нұрлықасым қорғайды.
