Іс-шара «Maqsut Narikbaev University»де БҰҰ БЖҚБ өкілдерімен бірлесіп ұйымдастырылды. Әдебиет бұрышында қазіргі жаһандық жағдайдағы қақтығыстар, адам құқықтарының бұзылуы және табиғи апат салдарынан миллиондаған адам туған жерлерін тастап кетуге мәжбүр болып жатқанда, қоғамның мұндай күрделі мәселелерден хабардар болуына басымдық берілген.
БҰҰ БЖҚБ Азия және Тынық мұхиты бойынша аймақтық кеңсесінің директоры Индрика Ратватте Қазақстан Үкіметі мен Босқындар ісі жөніндегі Жоғарғы комиссар басқармасы арасындағы ынтымақтастық сенімді әрі берік екенін айтты. Сондай-ақ бұл ынтымақтастық жылдан-жылға нығайып, босқындар мен азаматтығы жоқ адамдарды жан-жақты қорғау мен қолдауда шешуші рөл атқаратынын атап өтті.
– Менің осы іс-шарада болуыма бірнеше маңызды себептер әсер етті. Біріншіден, біз Қазақстан Үкіметі мен Босқындар ісі жөніндегі Жоғарғы комиссар басқармасы арасындағы сенімді және берік ынтымақтастықтың куәсі болып отырмыз. Екіншіден, БҰҰ БЖҚБ жұмысы гуманитарлық мәселелерді шешуден босқындарға көмек көрсетіп, жаһандық деңгейде азаматтық алмау мәселесін шешуге ауысуда. Осы тұрғыда мен Қазақстан Үкіметінің босқындарға көмек көрсету және аймақтық деңгейде азаматтығы жоқтық мәселелерін шешу мәселелеріне ерекше назар аударатын прогрессивті көзқарасын ерекше бағалаймын. Үшінші себеп – азаматтық қоғаммен, ғылыми және академиялық ортамен серіктестік. Біз мұнда Қазақстанның және одан тысқары елдердің ғылыми қауымдастығымен нығайып келе жатқан байланысты көріп отырмыз. Бұл серіктестік азаматтығы жоқтық мәселесіне көмектесу мен шешуде, сондай-ақ босқындарды қолдауда және адам құқықтарын қорғауда жоғары рөл атқарады, – деді Индрика Ратватте.
Бұған қоса ол БҰҰ БЖҚБ-ның Қазақстандағы өкілі қызметін атқаратын Ханс Шоддер мырзаға, сондай-ақ БҰҰ БЖҚБ бастамасын қолдағаны үшін университет ұжымына алғысын білдірді.
