Төтенше жағдай • 12 Маусым, 2023

Тілсіз жаумен күрес толастамайды

235 рет
көрсетілді
6 мин
оқу үшін

Кейінгі күндері еліміздің оңтүстік өңірінде күн күрт ысып, халыққа жайсыздау тиіп тұр. Әсіресе Шымкентте термометр бағаны маусым айы басталғалы +30 градустан төмендеген жоқ.

Тілсіз жаумен күрес толастамайды

Әрине, елдің оңтүстік өлкесі үшін бұл қалып­ты жағдай. Дей­тұр­ғанмен күннің қатты ысып ке­туі кей жағдайда адамның өміріне қа­уіп­-қатер әкелуі мүмкін. Бі­рін­­­шіден, жүрегі ауыра­тын, қан­ қысымы жиі көтерілетін нау­қас­тар мен қарт кісілер аптап ыс­тықта денсаулықтары сыр бе­ріп­, қиналып қалатындары бар. Екін­шіден, күннің көзі күлімдеп, де­нені қыздырып жатқан шақта бала­ларды үйде ұстап отыру өте қиын. Кейде ата-аналарына неме­се үлкендерге ескертпей, шомы­луға рұқсат етілмеген өзен, тоған­дар­ға кетіп қалады. Қазір­дің өзінде күн сайын ұя­лы теле­фонға «Су айдындарында балаларды ере­сектердің қара­уын­с­ыз қалдырмаңыздар!», «Бел­­гі­лен­беген орындарда шомылуға ты­йым салы­нады!» деген хабар­ла­малар келіп жатады. Оған қо­са ми қайнатар ыстықта жұрт­тың бәрі үйін­де, мекемелерде салқын­­датқыш қосады. Оның өзі мегаполистің электр энергиясы жүйе­сіне түсер артық салмақ. Соны­мен бірге күн қы­зуының көте­рілуі өңірде өрт қауіпсіздігі мәсе­­лесін күн тәртібіне шығарып отыр. Қазір қура­ған шөпке бір ұш­қын тисе бітті алапат өрт­ке ұла­са­тын мезгіл болып тұр. Сон­дықтан тиіс­ті мамандар мұн­дай­ кезде аса сақ болуға, өрт қауіп­сіз­ді­гі талаптарын барынша қатаң сақ­тау­ға шақырады.

Осы жағдайға байланысты жуыр­да Шым­кент­ қаласы әкім­ді­гінің ақпараттық-ком­муни­ка­­ция­лық орталығында төтенше жағ­дайлар депар­таментінің бас­ты­ғы Мадияр Жақсыбаев ар­найы жиын­ өткізіп, өрт жағдайының ал­дын алу­ және болдырмау мақ­са­тында жергілікті би­лік тарапынан қан­дай­ шаралар атқарылып жат­­қа­нын­ және алдағы жоспарлары тура­лы баян­даған еді.

Мәселен, аймақтың континенталды клима­тын ескере отырып, осы күнде шаһардың тө­тенше жағ­дайлар департаменті өрт қауіп­сіз­ді­гі­нің орын алуына мүм­кіндігінше жол бермеу үшін ор­ман шаруашылықтарының, жер­гілікті ат­қарушы, азаматтық қор­ғау­ және басқа да орган­дардың апат­қа қарсы жұмыстарын сарала­ды­. Яғни олар «өртті сөндіруге қаншалықты әзір­ және алдын алу іс-шараларын іске асыруға да­йын ба?» де­ген мәселелер төңірегінде ой қоз­ғап,­ әлсіз жақтарын пы­сық­­­тап, тиісті әрекет жа­сау­ға әзір­лік­те­рін әңгімелеп берді.

Брифингтің бас спикерінің ай­туын­ша, қала аумағында жалпы ауданы 12 980 гектарды құрай­тын егістік алқабы бар. 60 ша­руа қожалығы және жалпы кө­лемі 6 мың 286 гектарға тең "Жа­сыл белдеу" мен Түркістан облы­сына қарасты «Бадам» орман шаруашылығы осы аталған ау­мақта орналасқан. Осы кезге де­йін орман және дала өрттерінің алдын алу мақсатында жалпы республикалық маңызы бар және жергілікті мәндегі автомобиль жол­дарының бойында, сондай-ақ орман қоры аумағы мен егістік алқаптарында өртке қарсы ми­не­рал­­ды жолақ жырту жұмыс­тары жүр­гізіліпті. Қалың ағаш өскен ай­мақта өрттің болуын­ тудырмау үшін орман шаруа­шылықтары жа­лынды ауыз­дықтайтын барша техника мен керек-жарақты құралдармен қам­та­­масыз етілген. Оның ішінде өрт сөн­діретін көліктер, мотопом­па­ се­кілді техникалар бар.

Сонымен бірге орман және дала өрттері орын алып қалған жағдайда, оларды дер кезінде сөндіріп үлгеру ең басты міндет саналады. Сондықтан талапқа сәйкес өрт сөндіретін еріктілерден жасақталған 42 топ құрылып, құрамындағы 405 адам жо­ғары дайындыққа келтірілді. Бұдан басқа бейімделген қосалқы тех­никалармен және арнайы қол құрал­дарымен қамтамасыз етілді. ТЖ департаментінде де техника­дан­ бөлек жеке құрамдағы 84 адам­ «тілсіз жаумен» күресуге сақа­д­­ай-сай.

Қала аумағында жыл басынан бері 62 өрт оқиғасы тіркеліпті. Со­ның­ салдарынан 124 млн 952 мың теңгенің материалдық шығыны кел­тірілген. Қызыл жалын шар­пы­ған нысан, аумақтардың 79 па­­йызы тұрғын үй секторына, 33 пайызы көліктерге тиесілі. Со­ны­мен қатар өрттің қауіпті кезеңі басталғалы бері 412 жану дерегі тіркелген. Оның ішінде 125 жағ­дайда құрғақ шөп жанса, 77 мәр­те­ қоқыс өртенген.

Бас спикер Казгидромет ұсын­­­ған болжамға сәйкес алдағы уа­қыт­та ауа температурасының күрт­ көтерілетініне назар аудар­ды.­ Осы ретте маман «101», «112» қыз­метіне құрғақ шөптің не­месе қо­қыстың жанып жат­қа­ны туралы­ күн сайын 20-30 қоңыраудан келіп түсетінін мә­лімдеді. Бұл жерде шөптің өр­т­енуі жақын маңайдағы ғима­рат­тарға бірінші кезекте қауіп төн­ді­ре­тінін ескертті.

«Мәселен, жаз шыққалы құр­ғақ­ шөп­тен­­ от тұтану деректері жиі­ле­ген. Соның кесі­­рі­­нен лаулаған от мегаполис тұрғыны, же­ке кә­сіп­кер Шариповтің иелігіндегі қой­м­а ғимаратына дейін барып, 300 мың теңге кө­ле­мінде мате­риал­дық­ шығынға батырды. Со­нымен қатар депар­таменттің кезекші-дис­пет­черлік қызметінің «101» пультіне 2023 жыл­ғы 6 мау­­сымда сағат 14:48-де ша­һар­дың Тұ­р­ан ауданы Темірлан тас­жолы бойындағы «Авто­нұр» аял­дамасының жанында тұрған транс­­форматор мен дүңгіршектің отқа оранып жат­қа­ны туралы хабар­лама келіп түседі. Оқиға ор­ны­на дереу жетіп келген өрт сөндірушілер шы­нымен де транс­форматор мен сауда нүкте­сі­н­ің жанып жатқанын көреді. Шұғыл әрекет ету­дің нәтижесінде жалынның таралып кетуіне жол берілмей, сағат 15:06-да өрт толығымен сөн­діріледі. Жанған аумақ 2 шаршы метрді құра­ған. Бұл оқиғадан зардап шеккен немесе қаза тапқандар жоқ. Апаттың шығу себебі қа­зір анықталу үстінде. «Тілсіз жауды» ауыз­­дықтауға Шымкент қаласы ТЖД Өрт сөн­ді­ру және авариялық-құтқару жұмыстары қыз­ме­тінің жеке құрамынан 30 адам және 5 техника­ жұ­­мыл­дырылды», деді төтенше жағ­дай­лар­ депар­та­­ментінің бастығы Ма­дияр­ Жақсыбаев.

Осы орайда қаланың бас өрт сөндірушісі шаһар басшысы М.Әйтеновтің мегаполис аума­ғын­да жаздың күндері орман және дала өрттерінің алдын алу және оларды жоюдың іс-шаралар жоспарына сәйкес аудан әкім­­деріне тиісті тапсырмалар бер­ге­нін мәлімдеді.

 

ШЫМКЕНТ

 

Соңғы жаңалықтар

Нағыз ғалым еді...

Тұлға • 13 Шілде, 2024

Аурухана жағдайымен танысты

Саясат • 13 Шілде, 2024

Әскерилерді әлеуметтік қолдау

Саясат • 13 Шілде, 2024

Базалық мөлшерлеме төмендетілді

Экономика • 13 Шілде, 2024

Көршінің наны

Қоғам • 13 Шілде, 2024