Футбол • 12 Маусым, 2023

Уругвай жастары жеңімпаз атанды

211 рет
көрсетілді
1 мин
оқу үшін

Аргентинада жалауы желбіреген 20 жасқа дейінгі футболшылар ара­сындағы әлем чемпионатында Уругвай құрамасының жас футболшылары жеңіске жетті.

Уругвай жастары жеңімпаз атанды

Аргентинаның Ла-Плата қаласында орналасқан Марадона атындағы стадионда өткен финалдық бәсекеде Уругвай жастары Италия футболшыларымен кездесіп, 1:0 есебімен жеңіске жетті. Оңтүстікамерикалық құрамаға жеңіс сыйлаған жалғыз голды ойынның 86-минутында Лусиано Родри­гес соқты. Осылайша, Уругвай өз тарихында алғаш рет жастар арасындағы әлем чемпионатында топ жарды. Мұның алдында олар екі рет (1997 және 2013 жылдары) күміс, бір мәрте (1979) қола жүлдегер атанған болатын.

Ал үшінші орын үшін өткен бәсекеде Израиль құрамасының мерейі үстем болды. Олар қола жүлде үшін болған матчта Оңтүстік Корея жастарын 3:1 есебімен тізе бүктірді.