Теннис • 14 Маусым, 2023

Жарыстарын жеңіспен бастады

219 рет
көрсетілді
1 мин
оқу үшін

Дүниежүзілік рейтингте 47-орында тұрған Александр Бублик пен әлемнің 256-ракеткасы Бейбіт Жұқаев Нидерланд пен Пуэрто-Рикода өтіп жатқан теннис турнирлерін жеңіспен бастады.

Жарыстарын жеңіспен бастады

Нидерландтың Хертогенбос қаласында жалауы желбіреген ATP 250 санатындағы жарыстың бірінші айналымында еліміздің бірінші ракеткасы Александр Бублик бель­гиялық Давид Гоффенмен шеберлік байқасып, екі сетте – 7:5, 7:5 есебімен жеңіске жетті. Бұған дейін жерлесіміз бель­гиялық теннисшімен екі мәрте кездесіп, екеуінде де қарсыласының мықтылығын мойындауға мәжбүр болған еді. Бұл жолы отандасымыздың бағы жанды. Бублик кеше аталған турнирдің екінші айналымында әлемдік рейтингте 9-орында тұрған италиялық Янник Синнермен кездесті.

Пуэрто-Риконың Пальмес дель Мар қаласындағы «Челленджер» турнирінде бақ сынап жатқан Бейбіт Жұқаев бастапқы бәсекесін әлемнің 242-ші, осы жарыстың 6-ракеткасы жапониялық Юта Шимизумен өткізіп, қарсыласын 6:3, 6:4 есебімен тізе бүктірді.

 

Соңғы жаңалықтар

Нағыз ғалым еді...

Тұлға • Кеше

Көршінің наны

Қоғам • Кеше