Футбол • 20 Маусым, 2023

Бұл да бір сенсация

287 рет
көрсетілді
2 мин
оқу үшін

Футболдан 2024 жылғы Еуропа чемпионатының іріктеу кезеңіне қатысып жатқан Қазақстан ұлттық құрамасы еліміздегі барша футбол жанкүйерін тағы да шаттық пен қуанышқа бөледі. Іріктеу сайыстарының төртінші турында Магомед Адиев шәкірттері сырт алаңда Солтүстік Ирландия құрамасымен тарихта алғаш рет кездесіп, футбол әлеміндегі тағы бір ірі тарихи жеңісіне қол жеткізді.

Бұл да бір сенсация

Статистикаға көз жүгіртер болсақ, футболдан Қазақстан ұлттық құрамасы да, ішкі чемпионатта доп тебетін ко­мандаларымыз да бұған дейін Ұлыбритания жерінде өткен бірде-бір ойында же­ңіске жетпеген екен. Мәселен, 2008 жылы біздің жігіт­тер «Уэмблиде» Англия құра­масынан – 5:1, 2019 жылы Глаз­ода Шотландиядан 3:1 есебімен жеңілген. Сондай-ақ Еурокубок бәсекелерінде бақ сы­нап жүрген «Астана», «Қайрат», «Шахтер» ко­мандалары әр жыл­дары Бірік­кен Патшалықтың «Сел­тик», «Абердин», «Ман­чес­тер Юнайтед» сияқты клуб­та­рымен кездесіп, Брита­ния­дағы барлық ойында алаң ие­лерінің мықтылығын мойын­дауға мәжбүр болып жүр еді.

Осындай сәтсіз ойындар серия­­сынан кейін көп жан­күйер кешегі матч алдында жерлестеріміз тең нәтижеге қол жеткізсе, біз үшін өте тәуір жетістік болар еді деп болжам жасаған-тын. Алайда біздің футболшылар жанкүйерлерге үлкен тосынсый дайындап қойған екен. Белфаст­тағы 19 мың жанкүйерге арнал­ған «Уиндзор Парк» стадио­нындағы тартысты кездесуде отан­дастарымыз Солтүстік Ирлан­­дия құрамасымен жасыл алаңда алғаш рет жолығып тұрса да, алаң иелерін соңғы минутта сан соқтырып кетті. Ел құрамасы сапынан кездесудегі жалғыз әрі жеңіс голын ойын­ның 88-минутында Абат Айымбетов соқты. «Астана» клубының шабуылшысы допты өз аймағымыздан қабылдап, бір өзі қарсылас команданың үш футболшысын оңай алдап өтіп, допты Бэйли Пикок-Фаррел қорғаған қақпаға дәл бағыттады – 1:0.

чсм

Осылайша, Еуропа чем­пионатының іріктеу кезеңінде қатарынан үшінші ойында жеңіске жеткен жерлестеріміз Н тобының турнир кестесінде тоғыз ұпай жинап, Фин­лян­диямен бірге көш бас­тады. Суо­ми елінің өкілдері бұл турда Сан-Маринодан 6:0 есебі­мен басым түсті. Ал Дания мен Словения бір-бірі­мен тең ойнап (1:1), жеті ұпай­мен үшінші және төртінші орындарға орналасты.

Магомед Адиев шәкірттері келесі тур ойындарын күзде өз алаңымызда Финляндия (7 қыркүйек) және Солтүстік Ир­ландия (10 қыркүйек) фут­болшыларымен өткізеді.