Саясат • 25 Маусым, 2023

Ынтымақтастықтың аяқ алысы

117 рет
көрсетілді
4 мин
оқу үшін

Қазақстан Сыртқы істер министрінің орынбасары Роман Василенко мен Польшаның Даму және технологиялар бірінші вице-министрі Гжегож Пеховяктың төрағалығымен Қазақстан-Польша экономикалық ынтымақтастық жөніндегі үкіметаралық комиссиясының 9-отырысы өтті.

Ынтымақтастықтың аяқ алысы

Үкіметаралық комиссияның жұ­мысына екі елдің сала­лық­ министрліктері мен ведомс­т­во­­ларының өкілдері қатысты. Оты­рыс­тың күн тәртібі өзара сауданы кеңей­ту, бірлескен инвестициялық жоба­ларды, оның ішінде шағын және орта бизнес, көлік және логис­тика, агроөнеркәсіптік кешен, азық-түлік өнеркәсібі, құрылыс, машина жасау, фармацевтика, қаржы, білім беру және туризм салаларындағы жобаларды іске асыру мәселелерін қамтыды.

Тараптар Қазақстан мен Поль­ша­ арасындағы екіжақты тауар айна­лымы артып келе жатқанына тоқ­талды. Оның көлемі 2022 жылы 1,4 млрд долларды құрады. 2023 жылдың алғашқы 4 айында оның көлемі 430 млн доллардан асты. Осы орайда Польша үкімет­аралық комиссияның тең­ төрағасы Г.Пеховяк Қазақ­стан Польшаның Орталық Азия­да­ғы жетекші серіктесі екенін ай­тып, поляк тарапының еліміз­бен сауда-экономикалық ынты­мақ­тас­тықты одан әрі арттыруға ниет біл­дірді.

Өз кезегінде Р.Василенко мемлекет тарапынан шетелдік инвес­тор­ларды қолдау құралдары тура­лы хабардар етті. 2022 жыл­дың­ қорытындысы бойынша Қазақ­станға барлық шетелдік әріп­тестерден тікелей шетелдік инвес­ти­циялардың жалпы ағыны 28 млрд долларды құрады. Бұл – кейінгі 10 жыл­дағы рекордтық көрсеткіш. Бұл­ ретте Польшадан 2022 жылы 75 млн доллар, ал 2005 жылдан бері­ 350 млн доллар тартылған. Қазақ­стан­да поляктардың қатысуымен 100-ден ас­там компания жұмыс істейді.

Батыстың санкциялық сая­са­тының Қазақстан экономикасы­на­ жанама әсері және оның осы­ мәселе бойынша шетелдік әріп­тес­термен өзара іс-қимылы мәселе­леріне ерекше назар аударылды. Польшаның Еуропалық одаққа мүшелігін ескере отырып, тарап­тар Астана мен Брюссель ара­сындағы Еуропаға сапар ше­ге­тін Қазақстан азаматтары үшін виза­лық­ режімді жеңілдету жөніндегі келіс­сөздерді жедел бастаудың маңы­зын атап өтті.

Бірқатар бағыт бойынша ынты­мақ­­тастықты арттыруға өзара мүд­де­лілікті растай отырып, тарап­тар басым бірлескен іскерлік жоба­лар­дың тізімін өзектендірді және эконо­миканың нақты салаларында екіжақты өзара іс-қимылды нығай­ту уағдаластығына қол жет­кіз­ді. Іс-шараның нәтижесінде Қазақ­стан-Польша экономикалық ынты­мақ­тас­тық жөніндегі үкіметаралық комис­сиясы отырысының хаттама­сына қол қойылды.

Оты­рыс қарсаңында Варшавада екі­ елдің іскер топтарының 250-ден­ астам өкілінің қаты­суы­­мен «Польша-Қазақстан» биз­нес-форумы өтті. Форум бары­сын­да еліміздің инвестициялық әле­у­еті таныстырылды. Бірқатар сала­дағы өзара іс-қимыл мәселелері қарас­тырылды. Бизнес-форум қоры­тындысы бойынша екі елдің ком­мерциялық субъектілері арасында бірқатар уағдаластыққа қол жеткізілді. Сондай-ақ «Kazakh Invest» ҰК» АҚ мен Польшаның «Seneka poland» компаниясы ара­сындағы Қазақстанда балық азығын өндіретін екі зауыт салу туралы өзара түсіністік туралы меморандумға қол қойылды. Жобаның құны 100 млн еуроны құрайды.

Сапар аясында Қазақстан Сырт­қы­ істер министрінің орынбасары Р.Василенко Польша Президенті жанын­дағы Халықаралық саясат бюро­сының басшысы Марчин Пшидачпен, Польша Сыртқы істер вице-министрі Павел Яблонскиймен екіжақты кезде­су­­лері өткізілді. Екіжақты және көпжақты күн тәртібіндегі өзекті мәселелер бойынша жан-жақты пікір алмасты. Келіссөздер қоры­тын­дысы бойынша саяси, сауда-эко­но­микалық және мәдени-гумани­­тарлық салалардағы одан әрі прак­тикалық өзара іс-қимыл туралы уағдаластыққа қол жеткізілді.

Польшаның жетекші аналити­ка­лық топтары өкілдерінің қаты­суы­мен өткен дөңгелек үстелде Р.Василенко жақында өткен Астана халық­аралық форумының қоры­тын­дыларын, Қазақ­стан­ның көп­векторлы сыртқы саясатын іске асырудың негізгі бағыттарын ұсын­ды.­ Варшавадағы іс-шарада екі ел­дің­ ғылыми-зерттеу институттары желісі бойынша ынтымақтастықты одан әрі кеңейтуге өзара мүдделі екенін жеткізді.