Теннис • 30 Маусым, 2023

Жерлестеріміз мықтылар қатарында

162 рет
көрсетілді
1 мин
оқу үшін

Алдағы дүйсенбі күні Ұлыбритания­ның бас шаһары – Лондонда теннис­тен «Үлкен дулыға» санатындағы Уимбл­дон турнирінің жалауы желбірейді. Аталған додада жерлестеріміз де бақ сынайды.

Жерлестеріміз мықтылар қатарында

 

Ерекше атап өтерлігі, биылғы турнирде теннистен Қазақстанның ерлер және әйелдер арасындағы көшбасшы теннисшілері Александр Бублик пен Елена Рыбакина Уимблдон турнирінің мықтылары қатары­на қосылды. Яғни жерлестеріміз жеребе нәти­жесі бойынша алғашқы айналымдарда рейтингте төмен орналасқан қарсыластарымен шеберлік байқасады.

Әйелдер арасындағы былтырғы турнирдің жеңімпазы, әлемдік рейтингте үшінші орында тұрған Елена Рыбакина биылғы Уимблдон жарысының үшінші ракеткасы болып тіркел­ді. Ол енді өткен жылғы чемпиондық атағын қорғауға тырысады. Ал әлемнің 27-ракеткасы Александр Бублик Уимблдонда алғаш рет таңдаулылар қатарында бақ сынайды. Жуыр­да отандасымыз Германияның Галле қала­сындағы ірі жарыста тамаша өнер көрсетіп, жеңімпаз атанған болатын. Сол нәтижесінің арқасында Бублик Лондондағы жарысқа әлемнің 24-ракеткасы болып қосылмақ.