Аймақтар • 11 Шілде, 2023

Ауылдың күрес залы

257 рет
көрсетілді
1 мин
оқу үшін

Кербұлақ ауданының Басши елді мекенінде ауыл жастарына арналған күрес залы ашылып, жергілікті жұртшылықты қуанышқа бөледі. Жаңа нысанның құрылысын жүргізген мердігер компания нысанды дәл мерзімінде аяқтап, елдің игілігіне ұсынды.

Ауылдың күрес залы

Күрес залының ашылу салтанатына қатысқан Кербұлақ ауданының әкімі Қанат Есболатов, облыстық дене шынықтыру және спорт басқармасының басшысы Ұлан Рысқұл, грек-рим күресінен Азия чемпионы Марғұлан Әсембеков ауыл тұрғындарын құттықтап, жүрекжарды тілектерін арнады.

– Қолданысқа беріліп отырған күрес залының құрылысына жер­гілікті бюджеттен 135 млн 400 мың теңге бөлініп, «Бауыр құрылыс ком­паниясы» жауапкершілігі шектеулі серіктестігі ел игілігіне ұсын­ды. Келешекте осы спорт залынан қазақтың атын шығаратын айбынды ұлдар мен өр рухты қыздар көптеп шықсын, – деді Қанат Есболатов.

Күрес залының тұсауын Ұлан Рысқұл мен Басши ауылдық округіндегі ақсақалдар алқасының төрағасы Жақыпбек Самылтырұлы кесіп, жас палуандардың шынығуына ұсынды.

Күрес залындағы еркін күрес үйірмесінің жаттық­тыру­шы­сы Азамат Қойбағаровтың айтуынша, Басши ауы­лын­да күреске құмар ұл-қыздар баршылық. 30-35 бала еркін күреспен тұрақты айналысып келеді. Олардың басым бөлігі аудандық, облыстық, республикалық біріншіліктерден жүлделі орын алып жүр.

 

Жетісу облысы