Жемқорлық • 20 Шілде, 2023

Шымкент әкімінің орынбасары ұсталды

671 рет
көрсетілді
1 мин
оқу үшін

Шымкент қаласы әкімінің орынбасары Мақсұт Исахов қамауға алынды. Ақпаратты ҚР Ұлттық қауіпсіздік комитеті растады, деп хабарлайды Egemen.kz.

Шымкент әкімінің орынбасары ұсталды

«Бүгін, 20 шілдеде Ұлттық қауіпсіздік комитеті Прокуратураның үйлестіруімен жемқорлық жасады деген күдікпен Шымкент қаласы әкімінің орынбасары М.Исаховты ұстады», делінген хабарламада.

Қазір осы факт бойынша сотқа дейінгі тергеп-тексеру және барлық қажетті жедел-тергеу іс-шаралары жүргізіліп жатыр.

«Қылмыстық-процестік кодекстің 201-бабына сәйкес өзге ақпарат тергеу мүддесінде жария етуге жатпайды», деп қосты ҰҚК баспасөз қызметі.