СПОРТ

Теннис БАСЫ ТӘТТІ, АЯҒЫ ҚАТТЫ Осы күндері Францияда теннистен өтіп жатқан Rolland Garros тур­ни­рінде отандасымыз Ярослава Шведова жартылай финалдағы жекелей сын­да әлемнің төртінші ракеткасы Елена Янковичтен 7:5, 6:4 есебімен ұтылып, жарыстан шығып қалса да, миксте, яғни, аралас жұпта ақтық бәсекеге берілетін жолдама үшін өткен кездесуде австриялық Джулиан Кноул екеуі неміс қызы Кристофер Каса мен америкалық Вания Кингті жеңген еді. Алайда, финалда Шведова әріп­тесімен бірге Катерина Сре­ботник пен Ненад Зимонджигке қарсылық көрсете алмады. Үш сетке созылған бәсекеде Ярослава австриялық теннисші екеуі оларға 6:4, 6:7, 9:11 есебімен есе жіберіп ал­ды. Дегенмен, қазақстандық тен­нисшісінің осы жылғы тур­нир­де лайықты деңгейде өнер көрсете алғанын атап өтуге болады. Ол был­тырғы бәсекенің үшінші ай­на­лы­мында ресейлік Марина Ша­ра­по­вадан жеңілсе, биылғы сын­да бірталай қарсыластарын жа­рыстан шығарып, финалға дейін жетті. Ал Чехияда Unіcredіt Chech Open турнирінде Андрей Голубев бель­гиялық Оливер Рохусты жеңіп, жартылай финалға жолдама алды. Енді ол жергілікті теннисші Ра­дек Штепанекпен бәсекеге тү­се­ді. Тағы бір отандасымыз Михаил Кукуш­кин Германияда өтіп жат­қан Чел­ленд­жер турнирінде ресей­лік Конс­тантин Кравчукты 6:2, 6:4 есебімен жеңіп, ширек финалға шықты. Бұл сында ол неміс Жу­ли­ан Рейстермен кездеседі. Күрес ЖҮЛДЕГЕ ҚОМАҚТЫ СЫЙАҚЫ Бүгін Грузияның Тбилиси қаласында еркін және грек-рим күресінен “Гран-При” халықаралық турнирі басталады. Алдағы дүйсенбіге дейін созылатын бәсекеге 15 елдің өкілдері қатысып, белдесуге ниет білдіріп отыр. Олардың арасында қазақ балуандары да бар. Грек-рим күресінен ұлттық құрама мына құраммен Тбилисиге аттанды. Ең жеңіл, яғни 55 кило сал­мақта Асхат Құдайбергеновпен Ербол Қалыбаев белдеседі. 60 ки­лода Ербол Қоңыратов, Марат Кә­рішалов пен Нұрбақыт Теңіз­ба­ев жа­рысқа қатысса, Дархан Баях­метов, Айбек Еңсеханов пен Шың­ғыс Қайырмағамбетов 66 ки­лода сынға түседі. Сондай-ақ, Досжан Қор­­тықов, Роман Мелешин, Жан­­­­дар­бек Қабдолов, Асхат Дін­мұ­­ха­ме­дов 74 килода кілемге шық­са, Ан­­д­рей Самохин, Алзахор Өз­диев, Жа­ңаберген Қабдешев 84 килода, Ер­­ұлан Ысқақов 96 килода белдеседі. Ұлттық құраманың бас бапкері Мұ­ратбек Қасымхановтың айту­ын­ша, Мәскеуде жеке бағдарлама бой­ынша жаттығып жүрген ко­ман­да­ның мүшесі Әсет Мәм­бе­тов­тен бас­қаларының бәрі Грузия боз кі­леміне шығады. Өйткені, осы турнир алдағы кезде өтетін әлем чемпио­наты мен жазғы Азия ой­ындары, Қазақстан Респуб­ликасы Прези­ден­ті кубогы жолындағы белдесулерге дайындық ретіндегі бәсеке болмақ. Ал еркін күрестен еліміздің бас командасы мына құраммен Тбили­си кілемінде күш сынасады. Ең же­ңіл, 55 кило сал­мақта Дәулет Нияз­беков, 60 ки­ло­да Дәурен Жұма­ға­зиев, Абылай Тел­таев белдесетін бол­са, Ақжүрек Та­ңатаров (66 кг.), Аб­духәкім Шә­пи­ев (74 кг.), Семен Се­менов (84 кг.), Марид Муталимов (120 кг.) өз сал­­­­мақ дә­режелерінде өнер көрсетеді. Бұл турнир Халықаралық күрес түрлері қауымдастығының ұйым­дас­тыруымен жыл сайын өтетін бәсеке болғандықтан, оның жеңім­паздары мен жүлдегерлеріне қо­мақ­ты сыйлық беріледі. “Гран-При” белдесулерінің екінші кезеңі саналатын биылғы турнирде топ жарған балуандарға тағы да сыйа­қы беріледі деп күтілуде. Бокс ШЫДАМДЫЛЫҚ ШАРШЫ АЛАҢДА ШЫҢДАЛАДЫ 5 маусым күні Қостанайда бокстан 1995-1996 жылдары туған жасөспірімдер арасында ел біріншілігі жалауын көтереді. Бір аптаға созылатын бәсекеге еліміздің 14 облысы мен Астана және Алматы қалаларынан 220 былғары қолғап иелері қатысып, 15 салмақ дәрежесінде бақ сынасады. Биылғы біріншілікке Оңтүстік Қазақстан облысы ең көп боксшы апарып отыр. Олардың құрамында 26 боксшы бар. Одан басқа жа­рысқа Астана, Алматы қалалары мен Қостанай, Қарағанды, Жам­был облыстары 20 боксшыдан, Ал­маты мен Шығыс Қазақстан об­лыс­тары 15 спортшыдан, Аты­рау, Пав­лодар, Маңғыстау, Қы­зыл­орда, Батыс Қазақстан, Ақмола өң­ірлері 10 адамнан әкелсе, Ақ­тө­бе мен Сол­­түстік Қазақстан об­лыс­тары бірін­шілікке 7 бокс­шы­дан қосып отыр. Қазақстан Бокс федерация­сы­ның хабарлауынша, биылғы бәсе­кенің негізгі мақсаты – 2011 жы­лы Ас­танада жасөспірімдер ара­сын­да өтетін әлем чемпионатына та­лант­ты жас­тар­ды іріктеу. Осы сында көзге түскен жет­кіншектер алдағы кезде оқу-жат­тығу жиында­рына ша­қырылады. Со­ны­мен бірге оларды білікті бапкер­лер­дің қара­мағына жинап, түрлі халық­аралық турнир­лерге қатыстыру да көз­делуде. Дастан КЕНЖАЛИН.