Ауа райы • 24 Шілде, 2023

25 шілдеге арналған ауа райы болжамы

269 рет
көрсетілді
1 мин
оқу үшін

Синоптиктер 25 шілдеге арналған ауа райы болжамын жариялады. Бірқатар өңірде аптап ыстық болады, деп хабарлайды Egemen.kz.

25 шілдеге арналған ауа райы болжамы

«Қазгидромет» РМК ұсынған мәлімет бойынша, республиканың басым бөлігінде күн райы құбылмалы болады. Еліміздің батысында қатты жаңбыр жауады, найзағай ойнайды. Тек оңтүстікте, солтүстікте, орталықта ауа райы жауын-шашынсыз болады.

Синоптиктердің айтуынша, республика бойынша жел күшейеді, түнде және таңертең солтүстікте тұман болады.

«Күндіз Жамбыл, Қызылорда, Түркістан, Алматы, Жетісу, Абай, Ұлытау, Маңғыстау, Қарағанды, Ақтөбе, Шығыс Қазақстан облыстарының оңтүстігінде 35-43°С қатты ыстық болады», делінген «Қазгидромет» РМК хабарламасында.

Күндіз солтүстікте, Алматы облысының орталығында 42°С-ға жететін ыстық сақталады, сонымен қатар батыста, Түркістан облысының шөлді аймақтарында күн 45°С, Ұлытаудың оңтүстігінде 40°С-қа дейін ыстық болады деп болжанды.

Алматы, Түркістан, Жамбыл, Шығыс Қазақстан, Қарағанды, Маңғыстау, Ұлытау, Жетісу, Абай облыстарында, Қызылорда облысының орталығында, шығысында, Павлодар облысының оңтүстігінде, Ақтөбе облысының орталығында, батысында, Атырау облысының солтүстігінде, Ақмола облысының оңтүстігінде, батысында төтенше өрт қаупі бар.

Солтүстік Қазақстан, Ақмола облысында, Атырау облысының басым бөлігінде, Қостанай облысының оңтүстігінде, Маңғыстау облысының батысында, солтүстік-шығысында жоғары өрт қаупі сақталады.