Есірткі • 28 Шілде, 2023

Шығыс Қазақстанда қарасора өсірген азамат ұсталды

354 рет
көрсетілді
1 мин
оқу үшін

Шілде айының ортасында «Қарасора – 2023» жедел-профилактикалық іс шарасын өткізу барысында 42 жастағы облыс орталығының тұрғыны ұсталды. Ол есірткі заттарын заңсыз өсіргені анықталды, деп хабарлайды Egemen.kz.

Шығыс Қазақстанда қарасора өсірген азамат ұсталды

Жылыжай ішіндегі саяжай аумағын тінту кезінде жалпы салмағы 1140,55 грамм болатын қарасора өсімдігінің 73 бұтасы табылып, тәркіленді.

Ер адамның айтуынша, ол бұл есірткі заттарын жеке тұтыну үшін өсірген. Күдіктіге қатысты келуге міндеттеу түріндегі процесстік мәжбүрлеу шарасы таңдалды.

Аталған дерек бойынша ҚР ҚК-нің 300-бабы 1-бөлігі (Құрамында есірткі заттары бар өсіруге тыйым салынған өсімдіктерді заңсыз өсіру) бойынша сотқа дейінгі тергеу басталды.

Айта кетсек, бұл баптың санкциясымен 2 жылға дейін бас бостандығынан айыру түріндегі жаза қарастырылған.