Қазір уәкіл кеңсесі тұрмыстағы зорлық-зомбылық пен нәзік жандылардың құқықтарын бұзу мәселелеріне қатысты жұмыс жүргізіп жатыр.
«Бұл мәселе бүкіл әлемде өте өзекті. Бүгінгі күнге дейін 736 миллион әйел түрлі зорлық-зомбылыққа ұшырады. Оның 640 миллионнан астамы (87%) - 15 жастан асқан қыздар мен әйелдер. Тек кейінгі екі жарым жылда елімізде отбасыдағы агрессорлар 300 адамның өліміне себепкер болған. Денсаулыққа ауыр зиян келтірудің 913, ал денсаулыққа орташа зиян келтірудің 837 жағдайы тіркелді. 37 мыңнан астам адам түрлі жауапкершілікке тартылды», делінген мәліметте.
