Әлем • 10 Тамыз, 2023

Италия жағалауында 41 мигрант суға батты

195 рет
көрсетілді
1 мин
оқу үшін

Жерорта теңізінің орталық бөлігінде, дәлірек айтқанда Италияға жақын маңда қайық апатқа ұшырап, 41 мигрант суға батты, деп хабарлайды Egemen.kz Хабар 24 арнасына сілтеме жасап. 

Италия жағалауында 41 мигрант суға батты

3 тамызда Тунистің Сфакс қаласынан жолға шығып, қатты толқынның кесірінен апатқа ұшыраған қайықта 45 адам болған. Олардың арасында 3 бала бар.

«Қызыл Крест» ұйымы 4 жолаушының тірі қалғанын хабарлады. 

«Италияның жағалау күзеті Лампедуза аралында 4 мигрантты құтқарып қалды. Олар апаттан кейін суда жүзіп келе жатқан. Олардың айтуынша, қайықтың қозғалтқышы істен шыққан», деді «Қызыл крест» ұйымы бас хатшысының орынбасары Игнасио Шинту.