Сенбіде «Оқжетпес» «Жетісуды» қабылдады. Қатарынан үш кездесуде жеңіліс тапқан көкшетаулықтар бұл жолы жанкүйерлерін қуанту үшін барын салды. Және де олар көздеген мақсаттарына қол жеткізді. Жасұлан Молдақараев пен Дәурен Жұматтың соққан добына талдықорғандықтар Мұса Бакайоконың голымен ғана жауап қайырды – 2:1. «Атырау» мен «Каспийдің» арасындағы бәсекенің тағдырын 21-минутта Евгений Козлов соққан жалғыз гол шешті – 1:0. Жексенбіде тағы төрт ойынды тамашаладық. «Қайрат» өз алаңында «Тобылды» 2:1 есебімен ұтты. 5 минутта Артур Шушеначев есеп ашса, 12-минутта Йован Илич таразы басын теңестірді. Үзіліске дейін Вячеслав Швырев нысананы дәл көздеп, «Қайратты» қайта алға шығарды. Содан кейін есеп өзгерген жоқ. Өзге матчтарға тоқталсақ, «Қайсар» «Ордабасыға» 2:3 есебімен есе жіберді. Ал «Қызылжар» мен «Шахтер» және «Ақсу» мен «Ақтөбе» тең тарасты. Екі ретінде де 1:1 есебі тіркелді.
Жарыс кестесінде «Ордабасы» жеке-дара көш бастап тұр.
