Бұған дейін америкалық Дженифер Брэйди мен Слоан Стивенс және ресейлік Дарья Касаткинаны қапы қалдырған жерлесіміз жартылай финалда Ресейдің тағы бір өкілі, әлемнің 18-ракеткасы Людмила Самсоновамен шеберлік байқасты. Алғашқы сетте қарсыласын 6:1 есебімен ойсырата ұтқанда, Еленаның екпініне енді ол шыдай қоймас деп ойладық. Бірақ мұнымыз бекер екен. Келесі екі сет Самсонованың айқын жеңісімен аяқталды – 6:1, 6:2. Арада бірнеше сағат өткеннен соң финалдық сайысты тамашаладық. Шешуші тұста Ресей теннисшісінің қатты шаршағандығы байқалды. Ол америкалық Джессика Пегулаға лайықты қарсылық көрсете алмады. Небәрі 50 минутқа созылған тартыс 6:1, 6:0 есебімен аяқталды.
