Кеңес барысында Төтенше жағдайлар министрі, Экология және табиғи ресурстар вице-министрі, Еңбек және халықты әлеуметтік қорғау вице-министрі, Абай облысы әкімінің орынбасары қоршаған ортаға келтірілген залалды бағалау, төтенше жағдайлардың салдарын жою, орманды қалпына келтіру шараларын ұйымдастыру, зардап шеккендер мен қаза тапқандардың отбасыларына көмек көрсету мәселелері жөнінде баяндама жасады.
Сондай-ақ жиында өрттердің алдын алу және өрт жою жүйесін жетілдіру, материалдық-техникалық базасын нығайту және азаматтық қорғау органдарының кадрлық құрамын нығайту бойынша қабылданған шаралар талқыланды.
Жиын қорытындысы бойынша Мемлекет басшысы Қасым-Жомарт Тоқаевтың тапсырмаларын сапалы әрі уақтылы орындау бойынша бірқатар тапсырмалар берілді.
