Күні кеше ғана қос команда қандай құрамда өнер көрсететіні белгілі болды. Аталған бәсекеде Александр Бубликке айрықша сенім артылады. Қазіргі кезде ол АТР рейтингінде 26-орынды иеленіп отыр. 26 жастағы жерлесіміздің ең жақсы көрсеткіші – 2013 жылы Лондонда өткен Уимблдон турнирінің төртінші кезеңіне дейін жетуі. Сондай-ақ Александр соңғы кездері бірқатар халықаралық додада тәуір нәтиже көрсетіп жүр. Одан бөлек, София кортында Тимофей Скатов (жекелеген рейтингте 132-орын), Михаил Кукушкин (жекелеген рейтингте 243-орын), Александр Недовесов (жұптық рейтингте 45-орын) және Андрей Голубев (жұптық рейтингте 74-орын) өнер көрсетеді.
Жарыс қожайындарының «басты қаруы» – Григор Димитров. Әлемнің 21 ракеткасы атанып отырған 32 жастағы Болгарияның беткеұстары кезінде Уимблдон, US Open және Аустралияның ашық біріншілігінің жартылай финалына дейін жетіп, АТР турнирлерін сегіз рет ұтқан.
