Комбинат еден, жол плитасы, іргетас блоктары, маңдайша, таспалы іргетас, баспалдақ сияқты өнімдер шығарады. Сағатына 80 текше метр тауарлы бетон, күніне 120 текше метр темір-бетон бұйымдарын өндіретін кәсіпорында 100-ге жуық жаңа жұмыс орны ашылып отыр.
– Жаңа зауыт аймақтағы құрылыс саласын дамытып, тұрғын үй және әлеуметтік инфрақұрылым құрылысы көлемін кеңейтуге жол ашады. Ең бастысы, бұл бізге құрылыс шығындарын едәуір азайтуға, импортқа тәуелділікті төмендетуге, сондай-ақ капиталдың шетелдерге кетуін шектеуге мүмкіндік береді, – деді аймақ басшысы.
Мемлекеттік қолдау нәтижесінде биыл облыс аумағында 8,8 млрд теңгеге 26 тұрғын үйдің және 46 млрд теңгеге 62 әлеуметтік нысанның құрылысы жүргізіліп жатыр. Кейінгі 3 жылда тұрғын үй құрылысының көлемі 112 пайызға өсіп, 3 мыңнан аса адам жаңа пәтерге кірді. Осы жылы 692,3 мың шаршы метр тұрғын үйді қолданысқа беру жоспарланып отыр.
Қызылорда
