Суретті түсірген Ерлан ОМАР
Бірінші сыныпқа баратын оқушылардың ең көп саны Алматы қаласында және Түркістан, Алматы облыстарында тіркелген. Балаларды қазақ тілінде оқытатын сыныптарға қабылдау бойынша ең жоғары көрсеткішке ие Шымкент қаласы және Түркістан, Алматы облыстары.
Оқу-ағарту министрлігінің мәліметінше, жаңа оқу жылында 11-сыныпта оқитындардың саны да өскен. Биыл 188 900 оқушы мектеппен қоштасады. Жалпы, 2023-2024 оқу жылында мектептерде 3,9 миллионға жуық қазақстандық білім алады. 55 мың бала жаңа оқу жылын жаңа мектептерде бастайды.
Сондай-ақ осы жылдың соңына дейін жаңа 132 мың орындық білім беру ұйымдары пайдалануға беріледі. Елімізде барлығы 7,7 мың орта білім беру ұйымы бар.
