Польшалық Мартина Кубкамен жұп құраған ол барлық қарсыласын сыпыра ұтып, финалда Италиядан келген мықтылар – Ангелика Морателли мен Камилла Розателлодан 7:6, 6:4 есебімен басым түсті. Сөйтіп, Құламбаева өзінің карьерасында ITF додаларында 23-мәрте бас жүлдені олжалады. Прагадағы жарыс аяқталған бетте Италияның Бари қаласында WTA 125 турнирінің тұсауы кесілді. Іріктеу сынының финалында чехиялық Анна Шишкованы 6:2, 6:4 есебімен жеңген Жібек енді негізгі бәсекеде бақ сынайды.
Ал Нью-Йоркте өтіп жатқан АҚШ-тың ашық біріншілігінің аралас жұптар арасындағы сайысында қазақстандық Анна Данилина мен финляндиялық Харри Хелиоваар кезекті кезеңде америкалық Алисия Паркс пен Денис Кудланы 6:3, 6:3 есебімен еңсеріп, ширек финалға жолдама алды.
