Пікір • 05 Қыркүйек, 2023

Стратегиялық бағыттың жаңа ережелері

131 рет
көрсетілді
1 мин
оқу үшін

Биылғы Жолдаудың мәні мен мазмұны Президент реформаларының логикасына толықтай сәйкес. Қасым-Жомарт Тоқаев экономика, саясат және идеология салаларын бір-бірінен бөлмей реформалауға негізделген стратегиялық бағытты жүйелі түрде іске асырып келеді.

Стратегиялық бағыттың жаңа ережелері

Жолдауда Қазақстан экономи­касын дамытудың алдағы стра­­тегиясы белгілен­ді. Бұдан бө­­лек, Президент бастамалары эконо­миканың бірқатар сала­сы­ның жаңа ережелерін ұсы­нып отыр. Соның арқасында атқару­шы билік жүйесі, орталық пен өңір­лер арасындағы қа­рым-қатынас өзгереді, са­лық­­тық ынталандырудың, нор­мативтік-құқықтық реттеудің, ин­­вес­­торлармен өзара іс-қимылдың жа­ңа шаралары енеді. Жаңа Жолдау эко­­но­микалық мәселелерді шешуге ба­­ғытталса да, онда әлеуметтік си­­па­т­тағы маңызды бастамалар бар. Атап айтқанда, жалақыны көтеру, жұмыс­пен қамту, балалар қауіпсіздігі, білім алудағы теңдік, т.б.

Мемлекет басшысының қоғамда қызу талқыланып жатқан АЭС салуға қатысты мәселені республикалық референдумға шығару туралы ұсынысына ерекше назар аудару қажет. Бұл Президенттің «Халық үніне құлақ асатын мемлекет» және Әділетті Қазақстан қағидаттарын берік ұстанып отырғанын көрсетеді. Жалпы, Жолдауда көп бағытты қам­титын және әлеуметтік-эконо­микалық реформалардың бірыңғай жүйесін құрайтын жүзден астам түрлі идея мен ұсыныс айтылды.

 

Ерлан ҚАРИН,

Мемлекеттік кеңесші

 

Соңғы жаңалықтар