Қоғам • 06 Қыркүйек, 2023

Лудомания лаңы

378 рет
көрсетілді
2 мин
оқу үшін

Қазір қоғамда жеңіл ақшаға еліріп, «лудомания» дертіне шалдыққандардың қата­ры көбейді. Статистиканы бағдарла­сақ, былтыр елімізде құмар ойындарды ұйым­дастыру және бәс тігу бойын­ша қыз­меттер көлемі 553,6 млрд теңге­ні құ­раған. Осы орайда Президент жанын­да­ғы жастар саясаты жөніндегі кеңес мү­ше­лері лудоманияның алдын алу жө­нін­­дегі жұмысты жетілдіру мәселелерін тал­қылады.

Лудомания лаңы

Кеңес мүшелері «Лудоманияның алдын алу жөніндегі кешенді жоспарды» әзірлеу мен іске асырудың уақтылығы мен қажеттілігін, сондай-ақ 4 қыркүйекте Қауіпсіздік кеңесінің отырысында айтылған Мемлекет басшысының тапсырмаларын іске асырудың маңыздылығын атап өтті. Оның барысында халық арасында, әсіресе жастар арасында тәрбие және түсіндіру шаралары бөлігінде ойынға тәуелділік мәселелері қаралды.

Жиын барысында Туризм және спорт вице-министрі Ержан Еркінбаев Қазақстан Президенті жанындағы жастар саясаты жөніндегі кеңес мүшелеріне «Ойын бизнесі және лотерея қызметі саласындағы мемлекеттік реттеуді жетілдіру, лудоманияның алдын алу жөніндегі кешенді жоспардың» жобасын таныстырды.

Талқылау қорытындысы бойынша кеңес мүшелері «Лудоманияның алдын алу мәселелері жөніндегі кешенді жоспардың» жобасына бірқа­тар шараларды енгізу, әсіресе жастар арасында ойынға тәуелділікпен күрес жөніндегі ақпарат­тық-идеологиялық шараларды күшейту, соны­мен қатар елдегі лудоманияның дамуына жол бер­меуге ықпал ететін әлеуметтік көз­қарас­та­рды қалыптастыруға азаматтық қоғам, діни қыз­мет­кер­лер мен бұқаралық ақпарат құралда­рының өкіл­дерін тарту бойынша бірқатар ұсыныс енгізді.

Бұдан бөлек, кешенді жоспарды іске асырудың сапасы мен тиімділігін арттыру мақсатында әрбір бағыт бойынша кеңес мүшелері, қоғамдық пікір көшбасшылары, блогерлер мен сарапшылар кіретін салалық жұмыс топтарын құру жөнінде шешім қабылданды.