Қоғам • 11 Қыркүйек, 2023

Қостанай облысына есірткі жеткізушілердің жолы кесілді

144 рет
көрсетілді
1 мин
оқу үшін

Қостанай облысында  ұйымдасқан қылмысқа қарсы күрес басқармасының қызметкерлері өңірге есірткі жеткізушілердің жолын кесті, деп хабарлайды Egemen.kz  ведомствоның баспасөз қызметіне сүйеніп.

 

Қостанай облысына есірткі жеткізушілердің жолы кесілді

Фото: polisia.kz

«Қостанай облысында полиция қызметкерлері облыстың бірнеше өңірінде есірткі сатушыларды ұстау бойынша арнайы операция жүргізді. Ұйымдасқан қылмысқа қарсы күрес басқармасының қызметкерлері жедел-іздестіру іс-шаралары барысында 6 күдіктіні ұстады. Оның бесеуі уақытша ұстау изольяторына қамалды. Операция бір мезгілде Рудный, Лисаков қалаларында және Қостанай ауданында өтті. Полиция қызметкерлері санкцияланған тінту жүргізу барысында заңсыз айналымнан өсімдік тектес есірткі заттары, ақша қаражаты, оның ішінде шетел валютасы, темекі шегетін түтіктер тәркіленді», деп  жазылған хабарламада.

Осы дерек бойынша полиция ҚР ҚК-нің 297-бабының 3-бөлімінде көзделген (Есірткі заттарын, олардың аналогтарын өткізу мақсатында заңсыз дайындау, өңдеу және сақтау, тасымалдау) сотқа дейінгі тергеп-тексеруді бастады. Баптың санкциясы мүлкі тәркіленіп, он жылдан он бес жылға дейінгі мерзімге бас бостандығынан айыруды көздейді. Тергеу барысында күдіктілердің облыстың қалалары мен аудандарының аумағында есірткі сатқаны, олардың жұмысы үйлестірілгені анықталды. Қазір сараптамалар тағайындалып, қажетті тергеу әрекеттері жүріп жатыр.