Ауа райы • 20 Қыркүйек, 2023

Елдің солтүстігі мен орталығында үсік жүреді

158 рет
көрсетілді
1 мин
оқу үшін

Синоптиктер алдағы үш күнге арналған ауа райы болжамын ұсынды, деп хабарлайды Egemen.kz.

Елдің солтүстігі мен орталығында үсік жүреді

«Қазгидромет» РМК мәліметі бойынша, алдағы тәуліктерде республиканың солтүстігінде, шығысында, оңтүстігінде, оңтүстік-шығысында тұрақсыз ауа райы сақталады. Республиканың оңтүстік-шығысындағы таулы аймақтарда жаңбыр мен қар жауады деп болжанып отыр.

«21 қыркүйекте оңтүстікте, 21 және 23 қыркүйекте шығыста, 21-22 қыркүйекте республиканың оңтүстік-шығысында қатты жаңбыр жауады, оңтүстік-шығыстың таулы аймақтарында қатты жауын-шашын күтіледі. Тек батыста және солтүстік-батыста жауын-шашынсыз ауа райы күтіледі. Еліміздің солтүстігінде, солтүстік-батысында және орталығында топырақ бетінде үсік жүреді», делінген хабарламада.

Болжам бойынша, республиканың батыс облыстарында ауа температурасы күндіз +24+30°С, республиканың солтүстік-батысында +15+27°С дейін көтеріледі, республиканың солтүстігінде +10+16°С дейін, орталықта +10+23°С, шығыста +10+15°С дейін, оңтүстікте +20+28°С, оңтүстік-шығыста +12+22°С, таулы аймақтарда +2+10°С дейін төмендейді.