Жалпы отырыста депутаттарға ақпараттық қауіпсіздік мәселелері туралы заң жобасын талқылау ұсынылады. Заң жобасы Мәжіліс депутаттарының бастамасымен әзірленген. Құжат дербес деректер және оларды қорғау туралы заңнаманың сақталуына мемлекеттік бақылауды енгізуге, «дербес деректердің қауіпсіздігін бұзу» ұғымын анықтауға және жеке басын куәландыратын құжаттардың қағаз көшірмелерін жинауға және өңдеуге тыйым салуды белгілеуге бағытталған. Заң жобасы 12 заңнамалық актіге өзгерістер мен толықтырулар енгізуді көздейді.
Депутаттар алдағы жалпы отырыста Қазақстан мен Кипр арасындағы ұстап беру туралы шартты ратификациялау туралы заң жобасын қарайды. Сонымен қатар Бюро отырысында «Халықтың шамадан тыс кредит алуын азайту және қаржылық сауаттылықты арттыру туралы» мәселесі бойынша парламенттік тыңдау өткізу жөнінде мәселе қаралды.
