Отандасымыздың наурыз айында Еуро-2024 іріктеу турнирі аясында Дания (3:2) қақпасына соққан голы мамандар назарына түсіп, ФИФА сыйлығының шорт-парағына ілінді. Тағыбергеннен басқа бұл тізімде ерлерден Нуну Сантуш (Португалия), Иван Моранте (Испания), Хулио Энсисо (Парагвай), Альваро Барреал (Аргентина), Сон Джин Канг (Корея), Гильерме Мадруга (Бразилия), Брайан Лосано (Уругвай) және әйелдерден Беатрис Занератто (Бразилия), Линда Кайседо (Колумбия), Сэм Керр (Аустралия) бар.
Жеңімпаз ФИФА ресми сайтында және футбол аңыздары арасында да дауыс беру арқылы таңдалады. Үздік шыққан футболшы келесі жылдың қаңтарында «The Best» салтанатты іс-шарасында анықталады.
