Бас жүлде үшін өтетін ойынға жолдама беретін бәсекеде жерлесіміз осы жарыстың 1-ракеткасы ретінде тіркелген әлемдік рейтингте 27-орында тұрған Польша өкілі Магда Линеттпен шеберлік байқасты. Небәрі 1 сағат 16 минутқа созылған матчта польшалық теннисші жерлесімізді екі сетте 6:2, 6:3 есебімен қапы қалдырды. Бәсеке барысында Магда Линетт 3 эйс жасап, 6 брейк-пойнттың тең жартысын пайдалана білсе, Путинцева үш брейк-пойнттың барлығын мүлт жіберді.
Екі теннисші биыл сәуір айында елордада өткен Билли Джин Кинг турнирінің іріктеу кезеңінде кездесіп, Юлия екі сетте 7:5, 6:3 есебімен басым түскен еді.
