![Үкімет Аппараты басшысының бірінші орынбасары тағайындалды](/media/2023/09/26/photo1695709802.webp)
Фото: Үкіметтің баспасөз қызметі
Ғабидолла Оспанқұлов 1981 жылғы Оңтүстік Қазақстан облысында дүниеге келген.
Қазақ гуманитарлық-заң университетін, Қазақстан-Ресей университетін, Бирмингем университетін («Болашақ» бағдарламасының түлегі) бітірген.
Еңбек жолын 1999 жылы Астана қаласында «Евразия Консалтинг» ЖШС-де заңгер көмекшісі болып бастаған.
2002-2006 жылдары Парламент Сенаты депутатының көмекшісі болды.
2006-2009 жылдары – Парламент Сенаты бөлімдерінде бас сарапшының міндетін атқарушы, бас консультанттың міндетін атқарушы, бас консультант.
2009-2010 жылдары – Президенттің Парламенттегі өкілдігі секторының меңгерушісі.
2010-2011 жылдары – Павлодар облысы Екібастұз қаласы әкімінің орынбасары.
2011-2012 жылдары – Павлодар облысының Білім беру саласындағы бақылау департаментінің директоры.
2012-2013 жылдары Білім және ғылым министрлігінде заң, әкімшілік департаменттерінің директоры болып жұмыс істеді.
2013-2017 жылдары – ҚР БҒМ Жастар ісі жөніндегі комитеттің төрағасы, кейін қайта ұйымдастыру аясында Дін істері және азаматтық қоғам министрлігінің Жастар саясаты департаментінің директоры.
2017-2019 жылдары Батыс Қазақстан облысы әкімінің орынбасары қызметін атқарды.
2019 жылы – «Nur Otan» партиясының хатшысы.
2019-2020 жылдары – Ақпарат және қоғамдық даму министрінің орынбасары.
2021-2022 жылдары – Президент Әкімшілігінде мемлекеттік инспектор.
2022 жылы – Президент Әкімшілігі Мемлекеттік бақылау және аумақтық ұйымдастыру жұмысы бөлімі меңгерушісінің орынбасары.
2022-2023 жылдары – Президент Әкімшілігі Мемлекеттік бақылау және аумақтық ұйымдастыру жұмысы бөлімінің меңгерушісі.
Еске сала кетейік, бұған дейін осы қызметте болған Ғабит Әбдімажитұлы Сыздықбеков Мемлекет басшысының жарлығымен Шымкент қаласының әкімі болып тағайындалған болатын.