Жиында Парламент Сенатының депутаты Дархан Қыдырәліні тіркеу туралы қаулы қабылданды.
– «Қазақстан Республикасының Парламенті және оның депутаттарының мәртебесі туралы» Конституциялық заңның 24-бабының 1-тармағына сәйкес және Қазақстан Республикасы Президентінің «Д.Қ.Қыдырәліні тағайындау туралы» 2023 жылғы 26 қыркүйектегі №360 Жарлығының негізінде Қазақстан Республикасының Орталық сайлау комиссиясы қаулы етті. Ол бойынша Парламент Сенатының депутаты болып Дархан Қуандықұлы Қыдырәлі тіркеліп, депутатқа тиісті куәлік және омырауға тағатын белгі тапсырылды, – деді жиында ОСК басшысы Нұрлан Әбдіров.
Мұнан кейін ОСК төрағасы жаңадан тағайындалған сенаторға белгіленген үлгідегі куәлік пен омырау белгісін табыстап, депутаттың өкілеттігі Орталық сайлау комиссиясы оны тіркеген сәттен басталатынын атап өтті.
