Аймақтар • 01 Қазан, 2023

Ескелділіктердің еңсесі көтерілді

100 рет
көрсетілді
3 мин
оқу үшін

Ескелдідегі оқиға елдің есінен шыға қойған жоқ. Толассыз жауынның салдарынан сел басып, ауылдағы тұрғындар бас­панасынан айырылып қалған еді. Облыс әкімдігі қарапайым халықты жаңа тұрғын үймен қамтамасыз етуге уәде берген. Міне, енді тұрғындар сол шаңыраққа қоныстана бастады.

Ескелділіктердің еңсесі көтерілді

Апат айтып келмейтіні бар­шаға аян. Екі күнге созылған жауын-шашын тау етегінде елді ме­кендерді әбігерге салды. Ең өкі­­ніштісі, ауылдағы ағайын жылы үйінен айырылып қалған еді. Сөйтіп, Ескелді ауданына қа­расты Абай, Ешкіөлмес, Қа­ра­бұлақ ауылдарындағы қат­­ты нөсер салдарынан аула-аумақ­тары мен тұрғын үйлерді су басудан келген шығынды өтеуге сараптама жүргізілген. Соның нәтижесінде, әрі сметалық есептердің қоры­тындысына сай бюджеттен 403,5 млн теңге бө­лінді. Өңір әкімі баспасөз қыз­метінің мәліметінше, 22 үй сатып алуға – 216,8 млн теңге, 83 үйге ағымдағы және күр­делі жөн­деу жүргізуге 186,7 млн теңге қарастырылған.

Ескелді ауданы әкімдігінің де­ректеріне қарағанда, жобалық-сараптамалық және сметалық ұйым­мен бірлесіп су басу салдарынан келтірілген залалды бағалау жұмыстары жүргізілген. Жалпы ауданның ауылдық елді мекендерінде – 105 үй, соның ішінде Абай ауылында – 11, Еш­кіөлмес ауылында – 28, Қара­бұлақ ауылында 66 үй зардап шеккені анықталды. Зардап шеккен үйлердің 22-сі бұзылады, 83-і ағым­дағы және күрделі жөн­деуден өтеді.

«Бүгінгі таңда аудан әкімдігі 7 үй сатып алды, үйлері бүлінген тұрғындар осы сатып алынған үй­лерге қоныстанып жатыр, қалған 15 үйді сатып алу рәсімдері жүр­гізілу үстінде. Сондай-ақ қалпына келтіру қажет деп тапқан 83 үй ие­ле­ріне төлем жасалуда. 21 қыр­күйектегі мәліметке сәйкес, қал­пына келтіру жұмыстарын жүргізу үшін 76 үйдің иелеріне 173,1 млн теңге төленді. Бұл ба­ғыттағы жұмыстар әлі де жал­ғасып жатыр», деді аудан әкім­дігінің қызметкерлері.

Сонымен қатар қыркүйек айының соңына дейін жалпы ұзындығы 12,7 км болатын 7 көшеге жалпы сомасы 688,1 млн теңгеге орташа жөн­деу жұмыстарын аяқ­тау жос­парланған. Бүгінде Еш­кі­өлмес, Қарабұлақ, Бақты­бай ауыл­да­рындағы 4 көше­де жұ­мыс аяқталып, Ешкі­өлмес, Қа­ратал, Қа­рабұлақ ауылда­рын­дағы 3 кө­шеде жұмыс жал­ғасып жатыр.

Сондай-ақ жалпы сомасы 8,7 млн теңгеге Абай ауылындағы Бақ­тыбай көшесі мен Ешкіөлмес ауы­лындағы М.Тынышбаев кө­шесіне жарық орнатылуда. Көше­лер­дің жалпы ұзындығы – 3 шақы­рым.

Қазір тұрғындардың көңілі орнына түскен. Қытымыр қыс та жақындап келеді, селде қал­ған­дардың уайымы осы еді. Әкім­дік тарапы бұл жайт әлі де ба­қы­лауда болатынын айтып отыр.

 

Жетісу облысы 

Соңғы жаңалықтар

Нақты істің кезеңі

Үкімет • Кеше

Отан да, парыз да ортақ

Аймақтар • Кеше

Инфляция иірімі

Инфляция • Кеше

Шаруаның көңілі неге күпті?

Шаруашылық • Кеше