Көлікті ерікті сақтандыру арта түсті

Салыстыру үшін айтар бол­сақ, былтыр сегмент бойынша жи­налған сыйлықақы көлемі небәрі 56,5 млрд теңгені құрады. КАСКО сыйлықақыларының көлемі бес жылда 5,6 есе, ал он жылда 11,9 есе өскен. Айта кетейік, жалпы сақ­тандыру қызметін көрсететін 16 сақтандыру компаниясының ішінде 14 компания ерікті мүліктік сақтандыруды ұсынады. Оның ішінде тек 10 сақтандыру компаниясы КАСКО-ны онлайн тіркеуді ұсынады, яғни іс жүзінде кез келген отандық автокөлік жүргізушісі үшін қолжетімді өнім.

Осы ондықтың ішінде 2023 жылдың қаңтар-шілде айла­рын­да жиналған КАСКО сыйлық­ақы­ларының көлемі бойынша 9,8 млрд теңге көлемімен «Еуразия» сақтандыру компаниясы көш бастап тұр. Жылдық өсу қарқыны айтарлықтай – 71 пайыз. Одан кейін «Халық» (8 млрд теңге) және Freedom Finance Insurance (6,8 млрд теңге) сақ­тан­дыру компания­лары келеді. Ай­тарлықтай көлем «НОМАД Иншуранс» сақтандыру ком­па­ниясында да (5,5 млрд теңге) бар.

Бір қызығы, автокөлікті ерікті мүліктік сақтандыру бойынша сақтандыру сыйлықақыларының барлық түсімінен алынған сый­лықақы үлесі 2022 жылғы қаң­тар-шілдеде 5 пайыздан 2023 жылғы қаңтар-шілдеде 9,3 па­йызға дейін көбейген. Сонымен қатар ерікті мүліктік сақтандыру бойын­ша сыйлықақылар есебінен авто­көлікті сақтандыру бойынша сый­лықақылардың үлесі 12,1 па­йыз­дан 21 пайызға дейін артыпты.

Шын мәнінде, бүгінде авто­көлікті ерікті сақтандыру сегменті жедел қарқынмен дамып, елдің сақтандыру нарығындағы сал­мағын айтарлықтай арттырып жатқаны анық. Сонымен бірге бұл факт көлік құралдары ие­ле­рінің азаматтық-құқықтық жа­уап­кершілігін міндетті сақ­тандыру және КАСКО сақтандыру бойынша жиналған сыйлықақылар кө­ле­міндегі алшақтықты көр­сетеді.

Мәселен, 2023 жылғы қаң­тар-шіл­деде автокөлік ие­лерінің аза­маттық-құқықтық жауап­кер­шілігін міндетті сақ­тан­дыру бойын­ша сыйлықа­қы­лардың түсуі 68,7 млрд теңгені құрады, бұл КАСКО бойынша сыйлықақы көлемінен небәрі 7,4 пайызға көп. 2022 жыл­дың қаңтар-шілде айларында мін­детті сақтандыру саласындағы сыйлықақылар көлемі КАСКО бойынша сыйлықақылар көлемінен бірден 2,4 есе жоғары болды. Жыл­дық динамикада автокөлік иелерінің азаматтық-құ­қықтық жа­уапкершілігін мін­детті сақтандыру бойынша сый­лықақылар 11,1 пайыз ғана өсті, бұл КАСКО сегментінің өсу қар­қынынан айтарлықтай төмен.

КАСКО-ға деген қызығушы­лықтың жылдам артуы халық­тың автокөліктері үшін ерікті сақ­­тандыруды таңдаудағы хабар­дар­­лығының өсіп келе жатқанын көрсетеді.