Облыс әкімдігі ауыл шаруашылығы басқармасының басшысы Нұрби Жігітековтің айтуынша, осы жылы 351,2 мың гектар жерден шөп орылған екен. Нақтырақ айтар болсақ, 186,4 мың гектар алқаптан көпжылдық, 26,7 мың гектар жерден бір жылдық шөп, 141,1 мың гектар табиғи шабындық және 4,1 мың гектар алқаптан сүрлемдік жүгері жиналған. Бір сөзбен айтқанда, шаруалар өздеріне қажетті мал азығын жинал алған.
«Бүгінгі күнге дейін барлығы 2,1 млн тонна пішен, 87,2 мың тонна пішендеме әзірленді. Сондай-ақ 411,4 мың тонна сабан, 75,5 мың тонна сүрлем дайындалған. Сабан мен сүрлемді жинау жұмыстары әлі де жалғасып жатыр. Өткен жылы шаруалар рекордтық көрсеткешке қол жеткізіп, жем мен шөпті молынан жинағанын да естен шығармаған жөн.
Бұдан бөлек өңірде өткен жылдан қалған 250,7 мың тонна мал азығы бар екенін айта кеткен ләзім. Қазіргі таңда облыс бойынша шөптің бағасы 700-1000 теңге аралығында болса, жемнің тоннасы 11 мың теңгеден өткеріліп жатыр. Қысқасы, жамбылдық шаруалар қыс мезгілінде мал азығынан қиындық көрмейді», дейді облыс әкімдігі ауыл шаруашылығы басқармасының басшысы Н.Жігітеков.
