Шымкентке сапар шеккен Семейдің «Елімай» клубы сырт алаңда жергілікті «Оңтүстік Академия» футболшыларымен тең ойнап (2:2), мерзімінен бұрын ел чемпионатына жолдама алса, былтыр Бірінші лигаға түсіп қалған Түркістанның «Тұраны» араға бір жыл салып жоғары топқа қайта оралды. Өткен турда түркістандықтар сырт алаңда «Ақжайық» клубынан басым түсті – 0:1.
Бірінші лиганың турнир кестесінде «Елімай» 25 ойында 69 ұпай жинап, көш бастап келеді. Бір айта кетерлігі, Самат Смақов жаттықтыратын семейлік клуб биыл бірде-бір ойында жеңілген жоқ. Тек үш матчта ғана тең түскен. Екінші орындағы «Тұран» клубының еншісінде 62 ұпай бар.
