Осы жарыстың 3-ракеткасы болып тіркелген отандасымыз турнирді екінші айналымнан бастап, тұсаукесер кездесуін дүниежүзілік рейтингте 72-орында тұрған франциялық Грегуар Баррермен өткізді. Қарсыластар осыған дейін бір-бірімен бес мәрте ойнап, соның үшеуінде Бублик жеңіске жетсе, екі бәсекеде Баррердің бағы жанған. Қос ойыншының бесінші бәсекесінде отандасымыздың мерейі үстем болды.
Бір сағатқа жалғасқан матчтың бірінші партиясында отандасымыз бесінші геймде бір брейк жасап, бұл сетті 6:4 есебімен өз пайдасына жазды. Ал екінші кезең басталған бетте Бублик қатарынан екі брейкпен көзге түсіп, матч соңында қарсыласын бет қаратпай жеңді – 6:2. Бұл кездесуде Бублик 11 эйс жасап, үш брейк-пойнттың барлығын пайдаланды. Енді А.Бублик жартылай финалға шығу үшін әлемдік рейтингте 226-сатыда орналасқан тағы бір франциялық теннисші Джованни Перрикармен шеберлік байқасады. Сонымен қатар А.Бублик жұптық сынның да ширек финалына шықты.
