Канкун қаласында өтіп жатқан додада Е.Рыбакина әлемнің 5-ракеткасы, америкалық Джессика Пегулаға 5:7, 2:6 есебімен есе жіберді. 1 сағат 24 минутқа созылған матчта жерлесіміз 5 эйс жасап, 7 брейк-пойнттың екеуін ғана пайдаланды. Қарсыласы 2 эйс, 5 брейкпен (7 брейк-пойнт) көзге түсті.
Бұл топта ойнайтын әлемнің бірінші ракеткасы, Беларусь өкілі Арина Соболенко рейтингте 9-орында тұрған грекиялық Мария Саккариді 6:0, 6:1 есебімен ұтты.
WTA қорытынды жарысына алғаш рет қатысып жатқан Е.Рыбакина келесі ойынын М.Саккаримен өткізеді. Содан кейін А.Соболенкомен кездеседі. Жартылай финалға шығу үшін жерлесімізге қалған екі кездесуде қарсыластарынан басым түсу қажет.
