Үздіктер көшін Неймар бастап тұр. Өз мансабында үш командамен келісімшартқа отыру барысында бразилиялық форвардтың трансферлік құны 400 млн еуроны құрады. Бұл күндері ол Сауд Арабиясының «Әл-Хиляль» клубы сапында өнер көрсетіп жүр. Екінші орында – «Романың» шабуылшысы Ромелу Лукаку. Бельгияның беткеұстарының 8 клубтағы трансферлік бағасы 339 млн-ды құрады. Үшінші сатыға Криштиану Роналду жайғасты. Саудияның «Әл-Наср» командасының жейдесін киген португалиялық жұлдыздың құны – 247 млн еуро.
Сондай-ақ үздік ондықтың қатарында мына футболшылар бар: Усман Дембеле (ПСЖ, 220 млн, 3 трансфер), Альваро Мората («Атлетико» Мадрид, 189 млн, 6 трансфер), Филиппе Коутиньо («Әл-Духаиль», 180 млн, 5 трансфер), Антуан Гризманн («Атлетико» Мадрид, 180 млн, 4 трансфер), Килиан Мбаппе (ПСЖ, 180 млн, 1 трансфер), Анхель Ди Мария («Бенфика», 179 млн, 4 трансфер) және Златан Ибрагимович (169 млн, 7 трансфер).
