Балалардың қауіпсіздігін қамтамасыз ету мақсатында берілген кең әрі жайлы жаңа автобустар барлық техникалық ережеге сай. Атап айтсақ, қозғалтқыш пен жанармай багындағы өртке қарсы жүйе, қауіпсіздік белдіктері бар орындықтар, мобильді гаджеттерді қуаттауға арналған USB порттар және арнайы шамдар бар. Жаңа сақтық талаптары бойынша оқушылардың қимыл-қозғалысын және жүргізушілер жол қозғалысын бақылауда ұстау үшін 360 градусқа дейін көрсететін арнайы камералар да орнатылған.
Жаңа автобустарды отандық QazTehna зауыты Yutong компаниясымен бірлесіп шығарған. Көліктер әлем нарығындағы бірегей стандарттарға сүйеніп жасалған.
Жолға шықпас бұрын жүргізушілер медициналық бақылаудан, ал автобустар техникалық тексерістен өтеді. Енді өңірлердегі оқушылар аудан мен облыс орталықтарында өтетін сайыстарға алаңсыз қатыса алады. Жыл соңына дейін қауіпсіздікті басты назарда ұстайтын автобустардың жалпы саны 515-ке жетеді деп жоспарланып отыр.
Еркеназ ҚОРДАБАЙ,
Л.Н.Гумилев атындағы
ЕҰУ 4-курс студенті
