Аталған мемлекеттің ұлттық құрама командасының бас бапкері Матьяж Кек алдағы матчтарда мына ойыншыларға сенім артатынын жария етті. Қақпашылар – Ян Облак («Атлетико Мадрид»), Вид Белец (АПОЭЛ), Мартин Турк («Парма»). Қорғаушылар – Яка Бийол («Удинезе»), Юре Балковец («Аланьяспор»), Миха Блажич («Лех»), Жан Карничник, Давид Зец («Целе»), Ваня Дркушич («Сочи»), Эрик Янза («Гурник»). Жартылай қорғаушылар – Ясмин Куртич («Университатя Крайова»), Петар Стоянович («Сампдория»), Бенджамин Вербич, Адам Гнезда Черин («Панатинаикос»), Миха Зайц («Фенербахче»), Санди Ловрич («Удинезе»), Макс Эльшник («Олимпия»), Йон-Горец Станкович («Штурм»Ян Млакар («Пиза»), Нино Жугель («Будё/Глимт»). Шабуылшылар – Андраж Спорар («Панатинаикос»), Лука Захович («Погонь-Щецин»), Беньямин Шешко («Лейпциг»), Жан Випотник («Бордо»).
Естеріңізге сала кетейік, Н тобында Дания мен Словения көш бастап келеді. Екеуінің де қоржынында 19 ұпайдан бар. Үшінші орында – Қазақстан. Жерлестеріміздің басты қарсыластарынан төрт ұпайы кем.
