Жастар арасындағы әлем біріншілігінің күміс жүлдегері, еліміздің үш дүркін чемпионы деген атақтары бар 19 жастағы отандасымыз қысқа бағдарламада 89,94 ұпай жиып, үшінші орынды иеленді. Осы нәтиженің арқасында ол келесі күні де жарыс жолына шықты. Шайдорин еркін бағдарламаны 174,52 ұпаймен қорытындылады. Нәтижесінде, 264,46 ұпай жиған алматылық спортшы қола медальды мойнында жарқыратты.
Гран-при турнирі сенсациялық нәтижемен аяқталды. Жарыстың басты фавориті – Олимпия ойындарында үш рет жеңіс тұғырына көтеріліп, әлем чемпионатында алтын мен күмісті қос-қостап алған Жапонияның жұлдызы Шома Уно екінші орынды қанағат тұтты. Ал бас жүлде биылғы Еуропа чемпионы, франциялық Адам Сяо Хим Фаға бұйырды.
