![Алыпты алғаш танытқан](/media/2023/11/13/zhambyl-zhabaev.webp)
«Шамғали ұстаздың немересі Майра апай музейге сыйға тартқан мына тарихи суретте ұлы Жамбыл бабамыз қазақтың аса көрнекті өнер шеберлері – би патшайымы Шара Жиенқұлова мен бұлбұл үнді әншіміз Күләш Байсейітованың ортасында тұр. Рас, үшеуінің бұдан басқа ракурста түсірілген суреті бұрын да баспа бетін көрген. Ал үш ардақтының мына тұрғыдағы бейнесі баспасөзге тұңғыш рет ұсынылып отыр.
Майра апай музейге ұсынған «Жамбыл жайында тұңғыш дерек» атты мақаланың авторы Шамғали Харесұлы өз өмірінде барлық жағынан үлгілі ұстаз, ағарту ісінің шебер ұйымдастырушысы болған. Ол жоғары оқу орындарында дәріс беріп, өзінің бойындағы әдіскерлік мүмкіндіктерін, мол тәжірибесін сарқа пайдаланған. Студенттердің педагогикалық тәжірибесін де өзі басқарып, шәкірттерін таңдаған мамандығының қыры мен сырын жете меңгеруге, оларға ұстаздық ұлағатын сіңіре білуге бар күшін салды. Ғалым-ағартушы қазақ тіл білімі мен оны оқыту әдістемесіне мол үлес қосты. Ол 200-ге тарта ғылыми-әдістемелік еңбектер, мақалалар жазды. Қазақ тілін орыс мектептерінде оқыту әдістемесінен көлемді еңбек жазып, 1944 жылы кандидаттық диссертация қорғап, доцент атанған», дейді музей қызметкері Рәтбек Терлікбаев.
Алматы облысы